İslami inğilobi yolə rəhbəri: mığavimət Suriyə zumandə şəxsiyyəte.

İslami inğilobi yolə rəhbəri mığavimətış Suriyə zumandə şəxsiyyətış zınə və votışe: məntəğədə Suriyə xususiyə erj həminə barzə şəxsiyyəti xotoye və ım muhimmə xosiyət bəpe hifz bıbo.

İslami inğilobi yolə rəhbəri mığavimətış Suriyə zumandə şəxsiyyətış zınə və votışe: məntəğədə Suriyə  xususiyə erj  həminə barzə şəxsiyyəti xotoye və ım  muhimmə xosiyət bəpe hifz bıbo.

Bə islami inğilobi yolə rəhbəri məlumat ərosnə mərkəzi xəbəron əsosi islami inğilobi yolə rəhbəri Həzrət Ayətullah Xamenei zinə Suriyə prezdent Bəşar Əsəd və dəy həmro bə heyəti vindımonədə İron və Suriyə rabitə zumand kardeş çı cəhəto ki 2 qılə məmləkət mığavimət hərəkati sotononku hestin muhimmış zınə və votışe:Suriyə zumandə şəxsiyyət iyən hoviyyətış heste ki  və mığavimət mərhum Hafiz Əsədı devrano və mığavimət cəhbə bino kardeədə təşkil bə və ım şəxsiyyət bə Suriyə milliyə vəhdəti həm koməkış kardə.

Yolə rəhbəri ım şəxsiyyəti hifz karde zərurətiku təkidış karde və votışe: ğərbion və çəvon roədə məntəğədə hərəkət kardəkəson  ğəsdışon hest bı, bə Suriyə zid təşkil kardə canqədə ım məmləkəti siyasiyə nizomi miyono bıbən və Suriyə məntəğə hisob kitobonku bə kəno oqəton , əmmo muvəfəğ nıbin və ısət həm ğəsdışon heste de coqlə metodi və mincumlə vədəoni ki heç  vaxti bəy əməl əkə nin, Suriyə məntəğə hisob kitobonku  xaric bıkən.

Həzrət Ayətullah Xamenei Amerkə və Avropa bə İron və Suriyə siyasi və ixtisadiyə təziğonku işarəş karde və votışe: bəpe de həmkoətion inkişof doe iyən bəvon nəzm baxşeədə çı şərayetiku dəvarde.

İslami inğilobi yolə rəhbəri eyne holədə məntəğə bəzi məmləkəton Ğəzzə məsələ vədə be əməl mande iyən siyasətonku tənğidış karde  və mənamədə bə ərəbon yolon tojə iclosi işarəş karde və votışe:ım iclosədə Fələstin və Ğəzzə vədə xəyli kotohəti bə əmmo bəzi məmləkəton həm çok əməlışon kardə.

Suriyə prezident  Bəşar Əsəd həm bə inğilobi yolə rəhbəri, İroni devlət və millət təsliyət voteədə bə Həzrət Ayətullah Xamenei xitob votışe: İron və Suriyə rabitə qıləy stratejikə rabitəy ki şımə hidayətonədə bə nav şedə və ım hidayəton icra sədrədə şəhidə prezident sed İbrahim Rəisi və İroni xarici koon vəzir Huseyn Əmirəbdullahiyan bə.

Suriyə prezident eyne holədə şəhid Rəyisiş islamiyə inğilobi siyasəton və şoaron oşkoə nımonəş zınə və məntəğədə bə mığavimətı siyasəton işarə kardeədə votışe: 50 sor dəvarde bəpeştə məntəğədə mığavimətı xət inkişofış kardə və ısət qıləy etığodi və siyasiyə hərəkət bə.

Bəşar Əsəd təkidış karde mığavimətı həzinə(xərc iyən zərər ziyan) sazışe həzinəsə bə kame və əlovəş karde Ğəzzə tojə hadisəon və mığavimətı səbarzətion ım məsələş məntəğə millətiyu sobotış karde və nışonış do ki mığavimət qıləy əsle.

Suriyə prezident eyne holədə inğilobi yolə rəhbəro, məntəğə mığavimətiku himoyə karde və muhim iyən oşkoə roli xoto və eyne holədə həmmə baxşonədə Suriyəku himoyə kardeyu ğədrdanətiş karde.