15 Xordad;İroni milləti yolə İslomi hərəkoti sıftə

15 Xordad;İroni milləti yolə İslomi hərəkoti sıftə

15 Xordad;İroni milləti yolə İslomi hərəkoti sıftə

 Imruj(çoşanbə) Həşi1403-ə sori Xordadə manqi 15-ə ruj(4 iyun 2024-ə sori) de Həşi1342-ə sori (miladi 1963)İron İslom Respublikə Yolə təsisəkə İmom Xomeyni(r.ə) torıxi ğıyomi sorəqardışi təsaduf kardedə).Hicri-Şəmsi 1342-ə sori Xordadə manqi 15-ə ruj(1963-ə iyunə manq) bə əməl omə ğıyom çe İslomi İnğılobi torıxədə oqardemoni noxtə və çı İroni milləti İslomi hərəkoti sıftəy.Həşi 1342-ə sori Xordadə manqi 15-ə ruj Ğum şəhri (Tehroni viloyəti cənubədə) Feyziyyə mədrəsədə İmom Xomeyni(r.ə) ifşoəkə ehandımoni bədiqə,çe Pəhləvi rejimi amilon bın mığəddəsə şəhrədə bə İmom Xomeyni(r.ə) kə hucum kardə holədə ə həzrətışon dasrqir iyən həbsışon karde.

İmom Xomeyni(r.ə) Huseyniyə-Aşurə ruji çe Ğum Feyziyyə mədrəsədə kardə zumandə sıxanrani,çe Pəhləvi rejimi cinoyəton və çe şah de israyili rejimi bıə rabitəonış bəyon karde.bə İmom Xomeyni(r.ə) həbsi cəvobən İroni mıxtəlifə şəhronədə insonon bə şah rejimi ələyh kutləvi nımoyişon bərpo kardeşone.ın etırozon zəmonədə rejimi əmniyyəti aparati repressivə ğıvvon,min cumlə bə Ğumi Fəyziyyə mədrəsə vəhşiğəzinə hucum kardeşone,veyə mığdorədə inson şəhid,zədəjə iyən həbs kardeşone.ın torıxi ğıyom İslomi hərəkoti bə Pəhləvi rejimi avtoritarə hakimiyyəti zidd mıborizə vəsə be iyən çe İslomi İnğılobi fiki,siyosi iyən iştimoyi əsoson bə formə dəşeyro qıləy mınosibə şərayitış icod karde.

İron İslom Respublikə Yolə bani iyən təsisəkə İmom Xomeyni(r.ə) Həşi 1342-ə sori Xordadə manqi 15-ə ruji bə şah hukuməti avtoritarə rejimi ələyh bıə siyosi hərəkotış bə qıləy həssosə mərhələş varde və da sorisə qıləy veyə mıddəti dırozi ə həzrət bə ziyodə məşəğğəton dıço be ki,ə cumlə bə kişfəri xarici dərbədər bıey çəvonku qıləyniye.İmom Xomeyni (r.ə) hərəkot milodi 1963-ə soriku bino be və 1979-ə sori İron İslom Respublikə bə səbarzəti rəse.Xordadə manqi 15-ə ruj ğıyom şək ki,çe İslomi hərəkoti bə ğələbə noyil beyədə inkor bıənin nıbə iyən dəvəşə rolış ifo karde.