Nəhcul-Bəlağə pand iyən hikməton

Nəhcul-Bəlağə pand iyən hikməton

Və ğilə ləhu(ə) kəyfə(təcidukə)ya Əmirəl-Muminin? Fəğalə Əli(ə):”kəyfə yəkunu halu mən yəğnə bibəğayih....ikəsi bə İmom Əli(ə) ərzış karde və voteşe ha Əmirəl-Muminin ha!.ıştəni çokonə vindedəş?. hamyeşone:çokonəye çı ikəsi hol ki,çəy baği mandey əy bə fəno səmt şıkırneydə və səlomətiyədə noxəş kardedə və maq çe əmniyyət iyən osoyişi əvəzi bəçəy soyəx omeydə”.

Əmirəl-Muminin İmom Əliku(ə) çəy hol-əhvol iyən şərayitiku dəparsə zəmonədə hamyeşe:”ikəsi hol çokonə bəbe ki,ıştə baği mandeyədə nopoydore iyən deştə səlomətəti noxəş beydə və qıləy holədə(və qıləy co)ki,ıştəni əmonədə vindedə,çəy maq rəseydə”.

İmom Əli(ə)ıştə vəzyət iyən hol-əhvoliku tevsifədə,çəmə həmmə vəzyətiku tevsifədə erjinə kəlməon hamyedə.hejo həmonə ləzəku ki,əmə bə dınyo omeydəmon,çe maqi sayə və soğnə deəmə bəicoye və de deçmə təbiyi ruşd iyən ozavziye təkamuli mutənosib,bə maqi pişvoz iyən navi şeydəmon.çanədə ki,çəmə umr tuloni iyən dıroz bıbu,bilaxirin məhdude iyən har qıləy saət həm ki,çəmə umriku dəvardedə,I qəm və I ğədəm əmə bəçəy oxo nez beydəmon.bəçəy xotoye ki,İmom Əli(ə) hamyedə:”çokonə bəbe ikəsi hol ki, çəy baği mandey əy bə fəni səmt şıkırneydə”.

Əmirəl-Muminin İmom Əli(ə) peşonə kəlom,qıləy çəşnaviye ki,çəmə dığğəti bəçəmə cismi xəşəconəti iyən səloməti nopoydor iyən ğeyri-sobit bey tərəf cəlb kardedə.

Qıləy zəmon ki,həzrət hamyedə:”qıləy odəm xəşəconətiyədə noxəş beydə”.çın nəzə və prizmakuye ki,çe insoni səloməti bəçəy bədəni aparaton həmmə mınəzzəmə şikilədə ko kardey səbəbi xotoye.əmmo həmonə mınəzzəmə şikilədə ko kardey,qırd huceyrəon,ə`zo iyən cəvarih de tədrici kanə beydə.yəni ehyanə bo insoni hiç qıləy məxsusə mərəz iyən noxəşəti bənav nıvo həm,piyəti iyən kuhulət çe cismi ocizəti iyən iştimoyi məhrumiyyəton həmmə kollksiyə və məcmuə deştə bə ico vardedə və həmməysə dıjdə nemət bıə səlomətəti iyən xəşəconəti təhdid kardedə.tayinki,həni bo sənibəton zumandətiro qlləy umu mandedəni.

Və bo maqi qıləy mıəyyənə zəmon mevcud ni və xəbədo nıkardə holədə omeydə rəseydə.veyə vaxtonədə odəm əmniyyət hiss kardə vırəku,ğəflətən maq ğərol qəteydə.həyğətədə bo maqi hiç qıləy pənohqo mevcud ni.çe umri dəvardəco dayima de xəto və təhlukə dimbədime və har ləzə çe təhlukə şeydə ki,jimoni de maqi dimbədimko.ım sodə fik kardeye ki,ikəs təsəvvırko ki,deştə imkonatonku bəhrə bardey boştə qıləy kə bısoxto ki,bə buməlarzə,bə otəşi iyən bə sayirə zidd bıbu və əmniyyət hissko.çıro ki,əy çe maqi nufuzi roy dəvasteyış zınə.liza Əmirəl-Muminin İmom Əli(ə) hamyedə:”həmonə vırəku ki, əmniyyət hiss kardedə,bə maq iyən nıbey hədəfi məruz mandedə”....