İnğilabi yolə rəhbər:deşmenon hədəf islamiyə respublika dıləku bəyandı jeye.

İslami inğilabi yolə rəhbəri həzrət ayətullah Əl-uzma Xamenei votışe:islamiyə nizomi xəbisə deşmenon yolə cəhbə hədəf islamiyə respublika nabodi və ya dıləku bəyandı jeye.

İslami inğilabi yolə rəhbəri həzrət ayətullah Əl-uzma Xamenei zinə nizomi mıxtəlif baxşonədə bıə rəsmi şəxson qıləy cəmı nəvuzə vindımonədə islamiyə nizomi təşkil kardeyu iyən çəy hifz kardeyu bə fədakarətion və erjinə emə xonon işarəş karde və əlavədə votışe: har qıləy fəaliyyət deşmenon məğlub kardeyu ki nizomi zəif kardeyu bə hərəkətin həğiğətdə bə ilahiyə dərqah nez be hisob omedə.

həzrət ayətullah Xamenei islamiyə inğilabi mıxtəlif məsəlonədə  fədakarətionku milləti əsosə hədəfış diniyə hədəfış zınə və əlavəş karde ımruj bəzi cıvonon həmonə mığəddəsə hədəfonədə de təkfiriyə cəriyanon mubarizə barde iyən pokə hərəmonku mudafiyə karde xoto ciddiyə niyyətışon heste və ımon həmmə qılə fədakarətion nışonəy və nışon dodə ki millət məsul şəxsonku bə nav hestin.

yolə rəhbəri xalisə mucahidə hərəkətonku peyğəmbəron hədəfış diniyə nizomi təşkil doeyu və həxi bərpokardeyu zınəşe və əlavəş karde islamiyə nizomədə bəpe islamiyə jimoni əhkam və ro bərpo bıbo və həmmə baxşonədə ictimaiyyəti mədəniyyət de kərimə ğıroni təlimatonədə bərobər bıbo.

islamiyə inğilabi yolə rəhbər muğavemətiyə ixtisad istihsal və ko unvanədə tojə sori nom noeku işarəş karde və istihsal ko və fəaliyyəton inkişaf doe lozim bə çiş ciddiyə nəzorətış zınə və votışe: ə idxalon ki bə daxiliyə zavodon tətil be bois bedə bəpe ğət bıbo.