İnğılobi Ali Rəhbəri bə xalği problemon ədoləti əsosədə həlli bıə təkid

İroni İslomi İnğılobi Ali Məğaminə Rəhbər “insonon məsələon iyən ixtilofon ədoləti əsosədə həll kardey” və “ğanuni sıə xətti dəvardeyku oqətey” çe məhkəmə sistemi əsosə vəzifəon hisob kardedə.

Bə Ali Rəhbəri Dəftəri informosiyə bazə əsosən;İslomi İnğılobi Yolə Rəhbər Həzrət Ayətullah Xameneyi şanbə ruji de İroni məhkəmə hakimiyyəti rəsmiyon didoədə “insonon məsələon iyən ixtilofon ədoləti əsosədə həll kardey” və “ğanuni sıə xətti dəvardey vəy qətey” çe məhkəmə sistemi əsosə vəzifəonku hisob kardəşone iyən əlovəşon kardə:Məhkəmə sistemi həmməysə muhimmə vəzifə ədoləti de cəsorət və nıtarsə holədə icro kardey iyən bə həyot dəvordıneye.

İslomi İnğılobi Ali Məğaminə Rəhbər Ğıronədə və islomi co mənbəonədə bənə “ədoləti” qıləy məsələ vey kam istinod kardey təkid kardə holədə,bo ədoləti icor kardeyro cəsorəti zəruri hisob kardedə və voteşone:Hakimon iyən ğaziyon bəpe bə daxili ğanunon istinodkon,nəyinki,bə ğərbi insonə həxon mənbəon.

Ayətullah Xameneyi peso bə İronədə prezdenti səçınon 14-ə devrə nez bıey işorə kardə holədə,bə prezdenti vıjıni nomizədon doə muhimmə tevsiyə təkid kardəşone ki, nomizədon televiziyadə bıə mınozirə iyən debaton və ya digər bəyonoton çe nomizədi bəştə rəğibi ğalib omero votə sıxanon,bə dışmeni xoş omey iyən bəçəy şo kardey boyis nıbu.