Ali Rəhbəri nomə
Ali Rəhbəri nomə
İslomi İnğılobi Rəhbər Həzrət Ayətullah Xameneyi de qıləy nomə bə sehyonist rejimi cinoyəton etırozəkə amerkəvıjə tələbon xitobən bə sehyonistə rejimi zidd mığoviməti cəbhə hevujətişon işorə karde.İslomi İnğılobi Yolə Rəhbər bın məktubədə bə amerkəvıjə tələbon xitobən təkidışon karde:şımə ısət çe torıxi dırıstə tərəfədə mandəyon.şımə ısət çe mığoviməti cəbhə iqlə baxşi təşkil doydon və ıştə devləon zolımonə təzyiğon jiyədə ki,oşkoə formədə ğəsbkor iyən berəhmə sehyonist rejimi mıdofiyə kardedən, şımə qıləy şərofətinə mıborizəon bino kardə.
Mığoviməti nuyə coğrafiyə təğdım kardey iyən amerkəvıjə etırozəkə tələbon bənə Ğərbi Asiyə vey diyəroə məntəğədə bıə mığoviməti dıjdə cəbhə iqlə baxşi unvoni zıney,çe Həzrət Ayətullah Xameneyi nomə əsl iyən orijinalə hissəy.çın nomə ın baxş çe mığoviməti cəbhə hevujəti nışon doydə ki,ım həm coğrafi iyən fiki cəhətoye.etırozəkə amerkəvıjə tələbon veyni intellektual cəhəto ğeyri-mısılmonə fərdonin.əmmo qıləy nuyə coğrafiyədə bə mığoviməti cəbhə umuj qıniyən iyən və ya Ğəzzədə tuməbıri məhkum kardey bo Fələstıni mıdofiyə kardero qıləy nuyə şivəş icod kardə.çın təfəkkuri indeks de zolımi mıborizə bardey iyən bo qıləy irğçiyə terroristə rejimi şəbəkəninə oşkoə sıtəmi oqəteyro bıə səyone ki,de Fələstıni milləti inə sərzəmini işğal kardey,çın diyori mərdumış de vey saxtə işkəncə iyən təzyiğon dimbədimış kardə.Həzrət Ayətullah Xameneyi nomə muhimmə məhvəronku bənə çe sehyonist rejimi əsliyə hami unvoni çe amerkə həyğiyə çehrə iyən imici ifşo kardeye.ə həzrət de oşkoə surəti votedə:” amerkə devlət iyən çəy şərikon bo dayimiyə zılm əncom doə terroristə devləti xoto,hətto ıştə diyəonışon həm nıeroxne.ımruj həm çı Ğəzzə hovlnokə cinoyəton mığobilədə İbıə Ştaton devləti odəmon kali sıxanon real beysə vey,riyokoronəy”.
Həzrət Ayətullah Xameneyi nıvıştə nomə muhimmə baxşonku qıləyni bə amerkəvıjə tələbon çı dınyoədə hakim bıə nizomi əvəz bey barədə doə bəşorəte.Ayətullah Xameneyi nəzəku çın əvəzon dəlilon,dınyo səviyyədə vijdonon oğo bıey,həyğəton oşko bey iyən mığoviməti cəbhə zumandətiye.ın koordinaton ısətnə iyən feli sistemi əvəz kardeyış mumkin kardə iyən çe ədolətinə nizomi şəfəğe ki,çe Ğərbi Asiyəku bə əməl bome....
