İslamiyə inğilobi yolə rəhbəri votışe:millət vıjnımonədə huzuriyu heç qılə şək-şubhəşon nıbo
İslamiyə inğilobi yolə rəhbəri votışe:millət vıjnımonədə huzuriyu heç qılə şək-şubhəşon nıbo
İslamiyə inğilobi yolə rəhbəri votışe:millət vıjnımonədə huzuriyu heç qılə şək-şubhəşon nıbo.Bə yolə rəhbəri dəftərxonə məlumat ərosnə mərkəzi elani əsosi islomiyə inğilobi yolə rəhbəri Həzrət Ayətullah Xamenei ımruj cumə sıb həmzəman prezidenti vıjnımoni 14 minnə devrədə sədo doe bino bə vaxti mərhum imom Xomeyni huseyniyədə ıştə sədoş bə rəy ğoti eğandışe.İslomiyə inğilobi yolə rəhbəri ıştə sədo bə ğoti eğande bəpeştə, vıjnımoni rujış ironıjonru şoə rujış zınə və vıjnımonədə milləti huzuri vositədə İron İslom Respublika zumandəti dəvomiku işarəş karde və təkidış karde İroni əzizə millətsədo doe və ım muhimmə siyasiyə imtivonədə huzuri ciddi bıqəton və bəştə heç qılə şək-şubhə ro nıdən.Həzrət Ayətullah Xamenei vıjnımonədə milləti hərorətinə huzur və sədo doə kəson maksimom dərəcədə iştirokış islomiyə respublikayu ğətiyə ehtiyocış zınə və votışe:İron islom respublika jəqo ki çəy nomiku oşkoye milləti huzur çəy zotədəy, boçimi əsosi İron İslom Respublika ım yoliyəti və abro bə milləti huzuri anqıle.İslomiyə inğilobi yolə rəhbəri vıjnımonədə milləti huzurış İron islom Respublika səlomətəti və rostiyəti sabit kardeyu qıləy lozim və vocibə hərəkətış zınə vəommidvarətiş karde bə vəy omə rujonədə ironiyu çokə soron bıbon və millət ıştə vıjnımoniku rozi bıbo.İron islam Respublika prezidenti vıjnımoni14 minnə devrə 9 nə prezidenti təin kardeyu ımruj cumə iyoni 28 nə ruji məmləkəti daxilədə de 59 həzo şobə və dınyo 95 qılə məmləkətədə bərpo be holədəy.İron islom respublika prezidenti vıjnımoni 14 minnə devrədə 61 milyono 452 həzo 321 nəfər sədo doeyu şərayetışon heste.
10:39
