İron iyən Vyetnami turizm sahədə həmkoəti hevuj kardey bıə təkid.
İron iyən Vyetnami turizm sahədə həmkoəti hevuj kardey bıə təkid.
İron iyən Vyetnami turizm sahədə həmkoəti hevuj kardey bıə təkid.
İron İslom Respublikə mədəni irs,turizm və dasti sənaye vəziri mıovin iyən Vyetnami mədəniyyət,varzış və turizm vəziri mıovin bə dıqlə kişfəri miyono bın sahədə əloğəon hevuj kardey təkid kardəşone.bə İRNA dışambə ruji doə məlumoti əsos;İron İslom Respublikə mədəni irs,turizm və dasti sənaye vəziri mıovin Əli Əsğər Şalbafiyan iyən Vyetnami mədəniyyət,varzış və turizm vəziri mıovin Huanq Dao Kuanq çe Vyetnami poytaxt Hanoyədə dido kardə holədə fiki mıbodilə iyən mızokirə bardəşone.de Vyetnami tərəfi vizaon ləğv kardey hədəfi,dıqlə kişfəri miyono turizm sahədə təfahumi memorandum tojə kardey,turizm sektori imkononku dıtərəfinə roziyəti iyən de İroni vətəndoon bə kişfəri daxil bıey hoston kardey məğsədi devlət və xususi sektoron miyono vindemonon ziyod kardey məsələonışon mızokirə kardə.
Həmçinin və bə ın hisoboti əsosən,de İroni mədəni irs vəziri mıovin Şalbafi iştiroki “Bə İron xəş oməyon”nomo turizm konfransi(Roadshow) proqram,zinə ruji çe Vyetnami poytaxt Hanoyədə Pullman otelədə bərpo be.bə ın hisoboti əsos,dıqlə kişfəri xususi sektoron çe İroni turizm imkonon təğdım kardə holədə,de turizm sənaye inkişof doey məğsədi dıtərəfinə mızokirəon bəbardeyn.
