İnğilobi yolə rəhbəri:millət de veyə cəhdi ım mərhələdə ko sə bıkən.

İslomiyə inğilobi yolə rəhbəri İroni prezidenti vıjnımoni 2 minnə mərhələdə iştirok karde bəpeştə votışe: millət de veyə cəhdi ım mərhələdə ko oroxonon.

Həzrət Ayətullah Xamenei ımruj sıb prezidenti vıjnımoni 14 minnə  devrə 2 minnə mərhələ bino beədə sıb saat 8 ıştə sədoş bə ğoti eğande.

İnğilobi yolə rəhbəri ıştə sədo bə ğoti eğande bəpeştə. vıjnımoni rujış qıləy çokə ruj və siyasi qıləy muhimmə məsələyu milləti  fəalə rujış zınə və votışe: çəmə əzizə millət de veyə cəhdi 2 minnə mərhələdə və rəy ğotion kənoədə dıştə huzuri və həmməysə çokə vıjneədə ım mərhələdə ko sə bəkan.

Həzrət Ayətullah Xamenei, prezidenti vıjnımoni ım mərhələdə milləti  hərorətinə huzur iyən əzəmətiku rəsə xəbəronku işarəş karde və votışe: əqər jıqo bıbo  şo əkə məsələy və ommidımon heste mıtəalə Xıdo milləti muvəfəğ və məmləkəti ovonə bıkə və həmmə kəsoni ki ım roədə cəhd kardən ıştə lutf və rəhməti bəvon ğısmət bıkə.