İnğilobi yolə rəhbəri:ironi milləti hərorətinə huzur vıjnımonədə yoddə beşənin ni

İslomiyə inğilobi yolə rəhbəri prezidenti vıjnımoni 14 minnə devrədə İroni milləti qam və hərorətinə huzurış qıləy ruşin və yoddə benışə hərəkətış zınə.

Bə yolə rəhbəri dəftərxonə məlumat ərosnə mərkəzi eloni əsosi,islomiyə inğilobi yolə rəhbəri Həzrət Ayətullah Xamenei de prezidenti vıjnımoni 14 minnə devrə bərpo be mınosibəti qıləy mesajədə bə İroni millət və vıjniyə bə prezidenti təbrik voteədə elanış karde ım yol və royaiyə hərəkət vıjnımoni de sanksiya dim bə dim kardeyu pesoxtə bə hərəkətonədə ki ironi milləti deşmenon naommidi və bə ro oxo rəse təbliğ kardeyu təşkilışon kardə be qıləy ruşin və yoddə benışə hərəkət be.

Həzrət Ayətullah Xamenei əlovəş karde əzizə millət məsuliyyət his kardeədə bə meydon omin və qıləy qam iyən hərorətinə səhnəşon ofəyə və vıjnımoni ğotionışon 2 qılə mərhələdə 55 milyoni sə veyə sədoədə purışon karde

İroni islamiyə inğilobi yolə rəhbəri təkidış karde ləyoğətine ki vıjnımoni rəğobətinə rəftoron   dəb bıə  dustiyəti bıbon və həmmə məmləkəti maddi və mənəviyə ovonətiyu fəaliyyət bıkən.

İron İslam Respublika prezidenti vıjnımoni 14 minnə  devrə 2 minnə mərhələdə Məsud Pezeşkiyan 30 milyono 530 həzo 157 qılə sədoku 16 milyono 384 həzo 403 qılə sədo kəsb kardeədə İron İslam Respublika 9 nə prezident vıjniyə be.