Pezeşkiyan:İron və Şrilanka həmkoətiyon vey zumand dəvom pəydo bəkay

İroni vıjniyə bıə prezdent de Şrilanka prezdenti təşkil doə telefoniyə votımonədə şəhid səyd İbrahim Rəisi bə Şrilanka təşkil doə səfərədə bə ve erjinə rəziyə sənədon işarə kardeədə bə tojə devləti ciddiyə niyyət komilə şərayetədə ım roziyətion icro kardeyu təkidış karde.

Bə telerədyo aqentəti xəbon əsosi ironi vıjniyə bıə prezdent Məsud Pezeşkiyan zinə zuhri bəpeştə Şrilanka prezdenti telefoniyə əlağə  cəvobədə ki İron islom Respublika vıjnımonədə  bə səbarzəti rəseyu təbrikə mesaji xoto təşkil be, şrilanka prezdenti təbrik voteku təşəkkurış karde və eyne holədə səyd İbrahim Rəisi və dəy həmro bıə heyəti şəhodəti mınosibəti ım məmləkəti devlət və milləti  norohəti elon kardeku işarəş karde və çı məsələ xoto həm təşəkkurış karde və votışe:İron və Şrilanka ve muvəfəğ və erjinə təcrubəon  2 tərəfə həmkoətionədə işarə be və  ommidvarətiş karde  ironi tojə devlətdə ım həmkoətion ro zumand dəvom pəydo bıkə.