Kəşfiyyot Vəzərotxonə de terroriston mıborizədə 79 zərbəş jıə

İroni Kəşfiyyat Vəzərotxonə çın vəzirəti antiterror baxşi 2024-ə sori mayə manqi 21-ku tobə iyuli 5-i de terrorçiyon bə isə bıə mıborizədə bəvon 79 zərbəş jıə.

Bə İRNA doə məlumoti əsos,İroni Kəşfiyyat Vəzərotxonə qıləy bəyonot pevolo kardə holədə,de terroriston mıborizədə çandə da qılə terrorçiyə unsuron və çəvon tərəfdoron həbs kardey, 560 nev canqi silohi,bə 42 həzo nezi canqi patron və 9 qılə hozzıə bomba oşko bıeyku xəbəşon.İroni Kəşfiyyat Vəzərotxonə bəyonotədə ğeyd beydə ki,çın vəzərotxonə həmməysə muhimmə oxonə noiliyyətonku qıləyni çe İroni cənubədə bıə Kirman şəhrədə terror əməliyyoti loyihəçi və rəhbəri əsosə unsuronku qıləyni bıə Abdullah Kuyete qətey və bə kişfəri dılə ovıştıney bıə.