İroni turistik məkonon
İroni turistik məkonon
Veyə şəxson Mərkəzi ostani mərkəz bıə Əraki şəhri bənə İroni sənaye poytaxti unvoni zıneydən. Əmmo odəmi dığğəti cəlbəkə çi ıme ki,bəpe bızənəmon,ın şəhr çe İroni həmməysə cıvonə şəhronku qıləyniye.əmmo,çın şəhri çəy dılədə anədə təbiyi iyən torıxi cozibədorə məkonon mevcude ki,beşək hiç kəs bə həmonə şəhri səfə kardeyku peşmon nibəbe.Əraki şəhr Ğacari sulolə zəmonədə bina be iyən bə zəmon bıə hakim yəni Yusif Xan Qurci de Sepəhdor ya Nəzorətəkə nomi ıştə qırd səyonış karde ta ın şəhri ozod bıko.
Votey lozıme ki,çe Əraki şəhri ətrofədə bandı-kuon,daşton iyən Miğani dıyoçə,çın məntəğə ob-həvo həm qıləy təsirış kardə və qıləy məxsusə xıslətış bəy baxşəşe.Əraki şəhr çe İroni sənaye ğutbonku qıləyniye.ın şəhr bə sənaye məhsulon mıxtəlifəti xoto,iminə məğamədə iyən sənaye cəhəto çe İroni dıminə inə şəhre.Əraki şəhr de bə kişfəri enerji təchizoton malik bıey,Almiyinumi istehsoləkə karxonə həmməysə dıjdə qıləyni iyən çe Natrium sulfati həmməysə dıjdə mə`dəni bənə çe İroni sənaye poytaxti unvoni zıney beydə…..
Çəmə dılımon heste ısət çe Əhvazi həxədə boşmə qəp bıjənəmon.qıləy şəhr ki,de ziyodə təbiyi iyən torıxi cozibədorə məkonon ki,çe İroni həmməysə vindəninə şəhronku cozibədorə qıləyniye. Əhvaz çe antik devri heyrətamizə sərzəminonkuye iyən qıləy mislış nıbə təbiyi mənzərəonış bıə məkone.ın şəhr bo ziyodə ironıjon Karuni ru,Səmbusə xorək və çe şəhri vey qamə həşi bə xotır vardedə.Əhvazi şəhri torıxi binon iyən veyə turistik məkononış heste.Ğacari sulolə binonku Muyinun-Nəccor binaku tobə Əliyyibni Məhziyari Əhvazi mərğədi,çe Karuni ru sahili caddə və prospektiku de tosə Bamdeji laqunə və sayirə.Əhvaziku bə Abadan,Xurrəmşəhr,İmom Xomeyni, Mahşəhri porton və həmçinin bə Şələmçə marzi neze ki,hamsuyə kişfəronku ziyodə milləti ğəbul kardedə.ın şəhr de İraği kişfəri hışki iyən ovə(Şələmçə və Çəzzabə)marzış heste.İroni iyən Miyonə Şərği həmməysə dıroz iyən veyə ovış bıə ru,Karuni ruye.çın rudxonə peyo bıə pardon çe Əhvazi simvole iyən çe ironıjon mığəddəsə mıdofiyə iyən məcburiyə canqi zəmoniku mandə əsəron kəno,məzhəbi məkonon və torıxi binon çın şəhri turistik vıron həmməysə muhimmə qıləyni bə hisob omeydə…..
Sari şəhr çe ironi şimoli şəhron miyono həmməysə dıjd iyən veyə cəmyətış bıə şəhre iyən həlbəttə çe Mazandrani viloyəti mərkəzi şəhre.ın ğəşənqə şəhr həm bandı-kuş heste və həmən dıyo.həm cənqəlış heste və həmən torıxi iyən ğədimə əsəronış heste.Sari şəhr çe şimoliku bə Kaspi dıyo rəseydə və cənubiku həm de vişə iyən ruon həmnəfəse.çən,əcib ni ki,çəy qıləy metədilə abo-həvoş heste iyən çəy həvo mıloyim və bə dıli nıştedə.Sari şəhr çe Əlborz bandı-kuon silsilə dovnədə və həmçinin çe Kaspi dıyo cənubədə ğərolış qətə.Sari məshəbi iyən torıxi məkonsə əlovə,çandə qılə iyən nevbənevə təbiyi turistik vıron,çəy çoqlə bandı-kuon,cənqəl,daşt iyən dıyo baxşonədə mevcude.həmçinin çın şəhri çe Damğani kəno hamsuyəti,bənə Kəvir ya Səhro turizmi unvoni Sari şəhrış çe İroni turistik vıron həmməysə çokə qıləyniyon restədə ğərolış doə.Sari şəhr İron iyən hamsuyə kişfəronədə de dıyo xorəkon istehsoli min cumlə de kırı məşhure ki,dınyoədə çəy keyfiyyəti mislış ni və bə qıləy pur rovnəğə ixtisodi malike….
Bın bərnomədə çəmə bəşmə xıdmət rosnə iyən təğdım kardey piyə şəhr,Simnani şəhre.Simnani şəhr coğrafi mevğıyyəti nəzəku,bın məntəğədə iğlimi nevbənevəti,sənaye iyən mədənon kəno, çe Əlborzi bandı-kuon cənubi silsilə dovnədə ğərolış qətə və bənə soğəli bıə barzə keyfiyyətinə dasti sənaye məhsulon iyən bumiyə sənəton mərkəze.həmçinin de dasti boftə bıə avşımə molon iyən xolçə bə ın məntəğə ixtisodi rovnəği koməq kardedə.ın şəhr təbiyi reçinətiyonsə əlovə,çın şəhri çandə həzoynə qıləy torıxış heste və bə torıxi hodisəon iyo vağe bıey dəlili xoto,ləşkər kəşey iyən çe şərği de ğərbi miyono mıhocirəti ziyodə əhəməiyyətış heste.nığılə antik əsəron, kanə boftemon,unikalə memorətiş bıə ğənobon və çandə qılə memorətiyon çe İroni turistik məkononkuye.Simnani dayima bənə dini yolon iyən elmi odəmon qofo və mərkəz bıə və çe İroni 10 barzə şəhronku qıləyniye.....
