İron:AİŞ-ədə bə prezdenti səçıni mıdoxilə iddiyo beəsose
İron:AİŞ-ədə bə prezdenti səçıni mıdoxilə iddiyo beəsose
İron:AİŞ-ədə bə prezdenti səçıni mıdoxilə iddiyo beəsose
İron İslom Respublikə İMT-ədə bıə nımoyəndəti çe Tehroni 2024-ə sori AİŞ-ədə dəvordınənin bıə prezdentə vıjıni mıdoxilə iddiyoş rədd kardə və ımış “beəsos və hiç qıləy əsosış nıbə” koş hisob kardə.bə İRNA doə məlumoti əsos,İron İslom Respublikə İMT-ədə bıə nımoyəndə 2024-ə sori AİŞ-ədə bərpo bıənin bıə prezdenti vıjnemonədə de Tehroni mıdoxilə anqıl Amerkə kəşfiyyot və kiber onemonon iddiyo ruşinətiş vardə.AİŞ-ədə bıə FƏB və çandə qılə co kəşfiyyot orqanon mıştərəkə bəyonotədə iddiyo kardəşone ki,İron 2024-ə sori AİŞ prezdentə vıjınədə çe Respublikəçiyon Partiyə nomizəd Donald Trampi kampaniyaş darıştə və həmçinin çı Demokraton Partiyə nomizəd Kamala Harrisi kampaniyə darıştero cəhdış kardə.çımi bənav İron İslom Respublikə İMT-ədə bıə nımoyəndəti “Microsoft”-i de İroni kiberhucumon vositə çe Amerkə vıjnemonədə iştiroki əloğədor hisoboti anqıl sıvoli cəvob doə holədə bəyonış kardə ki, bə İroni infrastrukturon,bə xalği xıdməti mərkəzon iyən bə sənayeon zid,çe mıxtəlifə kiberhucumon əməliyyoton ğıboni bıə.Amerkəvıjon çe AİŞ-on nevbəti prezdenti səçın kardero 5 noyabr 2024-ə sori bə vıjıni məntəğon bəşeyn.çın səçıni ğalib 2025-ə sori yanvariku ıştə ço sornə prezdentəti mıddəti bino bəkarde.
