Həzrət Ayətullah Xameneyi:dışmeni dast jəqo ki reklam kardedə pur ni.
İslomiyə inğilobi yolə rəhbəri, Kuhkuliye və Buyurəhməd ostani şəhidon milliyə kanqıresi bərpo əkon vindımonədə deşmenon bə milləton zərbə jeyu bə pisixiyə canqon işorəş karde və votışe: deşmeni dast jəqo ki nışon doeş pidə pur ni.
İslomiyə inğilobi yolə rəhbəri, Kuhkuliye və Buyurəhməd ostani şəhidon milliyə kanqıresi bərpo əkon vindımonədə deşmenon bə milləton zərbə jeyu bə pisixiyə canqon işorəş karde və votışe: deşmeni dast jəqo ki nışon doeş pidə pur ni.
Bə Ayətullah uzma Xamenei əsəron hifz iyən nəşr dəftərxonə məlumaton əsosi islomiyə inğilobi yolə rəhbəri Həzrət Ayətullah Xamenei Kuhkuliye və Buyurəhməd ostani şəhidon milliyə kanqıresi bərpo əkon vindımonədə ki həşi 1403 nə sori mordad manqi 24 nə ruji bərpo bə be, zinə şanqo həşi 1403 nə sori şəhrivərə manqi 18 minnə ruji ım ostani mərkəz Yasuc şəhrədə kanqıresi bərpo be məhəllədə nəşr be əlovəş kardə ha milləti deşmenon pisixiyə canqon sotononku qıleni ki ha zəmanisə ve çəmə zəmonədə muşahidə bedə ıme ki deşmenon ıştə ğıvvə həddisə ve reklam kardən və daimən pidəşone jıqo nışon bıdən ki bəpe Amerkəku bıtarsən, sionistonku bıtarsən və İnqiltərəku bıtarsən və ya jıqo ğıvvonku bəpe bıtarsən.
Həzrət Ayətullah Xamenei əlovəş karde deşmeni jıqo pisixi hərəkət vaxti hərbiyə meydonədə daxil bedə, çəy nəticə bə domo okıriyey.
İslomiyə inğilobi yolə rəhbəri əlovəş karde siyasi meydonədə həm deşmeni pesoxtə təbliğaton və reklamon bois bedə inson his bıkə, ıştən təziği jiyədəy və bəpe çəy tələbon vədə təslim bımando.
Həzrət Ayətullah Xamenei votışe: mədəniyyətı meydonədə həm ım pesoxtə reklamon iyən ıştəni zumand təğdim karde coqlə holətədə ıştəni nışon dodə məsələn təziği jiyo ğəror qəte, bə navədə bıə tərəfi mədəniyyəti aşığ mande,ıştə mədəniyyəti təhğir karde, iyən bə xaricion mədəniyyəti fəxr kardeədə ıştəni nışon dodə.
İslomiyə inğilobi yolə rəhbəri təkidış karde mərhum imom Xomeyni yolə hınəonku qıleni ım be ki tarsi milləti dılo xaric kardə be və bə millət etımod iyən ıştəni bovə karde hisi dodə be.