Filmi festival

Filmi festival

Penc kərə Oskar mıkofoti nomizəd bıə iyən 1995-ə sori bo “Mardə merdi ro poye” filmiro Oskar mıkofoti sıə Susan Sarandon bın zəminədə barzə nımunəonku qıləyniye.ın amerkəvıjə məşhurə aktrisə Nyu-Yorki Brayaneti parkədə bə Fələstınıjon dastək doə zəmonədə huzur iyən iştirokış pəydo karde və bo Ğəzzə tanqədə otəşvəsi bərpo kardero deştə sıxanon qıləy zumandə bəyoniyyəş nışonış doe.əv çe Fələstıni mərdumi dəhşətinə vəzyəti barədə de ğətiyyəti sıxanış karde və məxsusən Ğəzzə tanqədə 5000 hırdənon ğəmqinə ğətlı-amış bənə canqi cinoyəti bə yodış dənoe və əvış məhkum karde.əmmo çəy Nyu-Yorkədə bıə sıxanon post de sehyonist rejimi tərəfdoron təvəssıti de anti-semitizm nomi pevolo be və de ın hosidə Hollivudi istedod pəydo kardə aqentəti “UTA” qıləy əcibə hərəkətədə ıştə de ın məşhurə aktyori bıə həmkoətiş bə oxo doe ta nışon bıdo deştə superstaron həm qıləy zərfətış ni.

Yuta sıxanəvoti təyisış karde ki,ın aqentəti çı fələstınıjon tərəfdoronku iborət bıə qıləy qırdbemonədə Susan Sarandoni sıxanon bəpeştə,əvışon ixrac kardə.çəy bədiqə Sarandon co qıləy sıxanədə əyo iştirok kardə kəsonış təşviğ karde ki,zumand bıbənən,səbrkənən,oşko bıvotənən iyən de şucoəti sıxan kardə har kəsi palu bımandənən və çe yəhudi camiyəku ki,bo fələstınıjon dastəkiro oməbin,təşəkkurış karde.

Oşkoye ki,bə hınə soybon ələyh bıə ın cur nımunəon bə ifodə ozodəti şuori komilə surətədə zidde və çəy ğərbədə nıbeyku hikoyət kardedə.çandə sor bənav amerkəvıjə kinorejissoron Oliver Stoneşon bə amerkə devləti Holokastiku nomınosibə istifodə xoto çe təzyiği jiyədə ğərolışon doe.Stone ıştə mısohibədə votəşbe:çe amerkə bə Holokasti peyo bıə təmərkuz bə yəhudiyon bə mediya peyo bıə seytərə səbəb bıə iyən israyil çand sorone çe amerkə xarici siyosətış bə məhfəti səmt bardəşone.

Whoopi Goldberg çe Holiivudi coqlə siyoəpustə məşhurə hınə soybe ki,çe Holokasti həxədə ruşinəti vardero de ziyodə tənğıdon dimbədim omə və çe televiziyə bərnomənku bə kəno noey be….