Huseyniyə Ərbəyinədə İraği millət və devlətiku inğilobi yolə rəhbəri təşəkkur.

İslomiyə inğilobi yolə rəhbəri Həzrət Ayətullah Xamenei qıləy mesajədə Huseyniyə ərbəinədə xıdmət xeyməon iyən mukibon bərpo əkon və iraği yolə milləti mehmondoəti xoto təşəkkurış karde.

İslomiyə inğilobi yolə rəhbəri Həzrət Ayətullah Xamenei qıləy mesajədə Huseyniyə ərbəinədə xıdmət xeyməon iyən mukibon bərpo əkon və iraği yolə milləti mehmondoəti xoto təşəkkurış karde.

Bə yolə rəhbəri dəftərxonə məlumat ərosnə mərkəzi eloni əsosi İron İslom Respublika prezdent Məsud Pezeşkiyan 4 şanbə sıb bə iraği məmləkət təşkil doə səfəri cəriyanədə islomiyə inğilobi yolə rəhbəri mesajış ki ərəbiyə zıvoni lohədə be bə İraği 1 minnə vəziri Muhəmməd Şiya Əssudani təğdimış karde.

İslomiyə inğilobi yolə rəhbəri Həzrət Ayətullah Xamenei ım mesajədə hamiyedə 1 minnə kəlimə təşəkkure,səmime ğəlbiku ıştə iyən ironi yolə milləti tərəfo təşəkkur kardəm.

Həm şımə, xıdmət xeyməon bərpo əkonku ki Ərbəinı zəmonədə kəromət iyən rəhmət və məvəddətışon bə barzə səviyə rosnine və həm iraği həmmə yolə millətiku və həm iraği devləti məsul şəxsonku ki əmniyyət və şərayetışon ım cəhətdə hozzışon karde.

Xususi iraği yolə alimonku və əzəmətinə mərcə təğlidonku ki ziyorəti atmosferışon, həmmə milləton iyən 2 qılə milləti miyonədə bıvəti atmosferışon kardə be, həğiğətən təşəkkur karde vırəş heste.

İslomiyə inğilobi yolə rəhbəri əlovəş karde şımə irağıjə əzizə bıvon rəftor, xıdmət xeyməonədə iyən de Huseyniyə zairon kərimonə rəftor ımrujnə dınyoədə nımonəş ni.

Jəqo ki Huseyniyə Ərbəinı şemon tarixədə heç qılə nımonəş ni və jəqo həm çandə 10 milyon nəfəri əmniyyət və səlomətətiku muğət be, ımrujnə no əmnə dınyoədə qıləy yol və nımonəviyə koy.

Həzrət Ayətullah Xamenei əlovəş kardə şımə islomiyə kəromət və ərəbiyə kəromətın ıştə rəftor və əmələdə nışonın do və həmmə qılə bə seyyedu şuhəda(ə) eşği xoto bə,ım eşğ bə Huseyn ibne Əli qıləy nımonəviyə məsələy.

Bənə bimi heç vırədə, heç zəmonədə vində bə ni və çimi bəpeşt həm vinde nibəbe.

Ommid heste mıtəalə Xıdo ım eşği şımə dılonədə və çəmə dılonədə ruj bə ruj ve bıkə.

İslomiyə inğilobi yolə rəhbəri votışe: ımruj ım  məhəbbəti cazibəon ve hevoj bən ki Ğəzzə hərorətinə meydono tosə xəyli ğeyre mıslmonə ictimaiyyətonku iborət bedə və Əlhəmdulillah.

1 şanbə hicri ğəməri 1446 nə sori səfərə manqi 20 (2024 ivqosti 25) dınyo şiəyon 3 minnə imom Həzrət imom Huseyn(ə) və həzrəti vəfodorə əshabi Kərbəlo səhraədə şəhodəti Ərbəin be.

Çandə milyon zair dınyo sərosəriku min cumlə İron İslom Respublikaku bı rujədə Huseyniyə Ərbəinı mərosimədə huzuri xoto bə iraği cənub Kərbəlo şəhr daxil bən.

Həzrət İmom Huseyn(ə) və həzrəti vəfodorə əshab hicri ğəməri 61 minnə sori məhərrəmə manqi 10 nə ruji kərbəloədə bə şəhodət rəsin.