İroni Yolə Rəhbər: islomi ummət məsələ bəpe hiç faxt yodiku bekarde nıbu

İslomi inğilobi Yolə Rəhbər çı islomi ummət vey erjinə şəxsiyəti oqətey bənə lozimə koy bə hisobış varde və hamyəşe: islomi ummət məsələ bəpe hiç faxt yodiku bekarde nıbu.

Həzrəte Ayətullah Xameneyi ımruj de vəhdət haftə bino bey və Peyğombər(s)-i miladi sorəqardışi əyyami mınosibəti İroni sınnion elmiyə məktəbon və mudiron və cımə imomon iyən alimon, vindemonədə, İslomiyə umməti erjinə şəxsiyəti oqətey zəruri zınişone və de bə İslomiyə vəhdəti əhəmmiyəti təkid kardey və bo bə ın vəhdəti bədxahon ziyan rosniyeyo cəhdon barədə votışone: İslomiyə umməti mevzu bəpe heç vaxt yodiku məhv nıbu.

İslomiyə İnğilobi Yolə Rəhbrə votışone: İslomiyə umməti məsələ vey əhəmiyətinə məsələy və milliyətiku bəpeye və coğrafi sərhədon İslomiyə umməti rişə və həğiğəti əvəz nibəkay.

Həzrəte Ayətullah Xameneyi bə ın İslomiyə şəxsiyəti mısılmonon əhəmmiyət nıdoeyo dışmençiyətiyə cəhdon işorə iyən əlovəşon karde ki, ın de İslomiyə təlimon əkse ki, Ğəzzədə ya dınyo co qılə vırədə qıləy mısılmoni əzobiku co mısılmon ğəflət bıko.

İslomiyə İnqilobi Yolə Rəhbər sınniyon alimonış bə İslomiyə umməti şəxsiyəti peştıpuri dəvətış karde və bə İronədə xususi İslom dınyodə məzhəbiyə ixtılofon ziyod kardeyo bədxahon torixədə bıə fəaliyəton işorə kardey votışone: Əvon de fiki, təbliği və ixtısodiyə əbzoronku istifodə kardey çəmə kişvər və İslomi co qılə məntəğəonədə şiyə və sınniyon yandeku co kardey fikədən və de hərəkətoni bənə har tərəfi bə inodkoəti və bə yande bevəc votey vodor kardey çı ixtılofon ziyod kardən.

Həzrəte Ayətullah Xameneyi de ın hiyləon mıborizə bardey roşon bə vəhdəti əsos əməl kardey zınişone və təkidışon karde ki vəhdəti mevzu nə qıləy taktika bəlkəm qıləy Ğıroniyə prinsipe.

İslomiyə İnğilobi Yolə Rəhbər bə İslomiyə səbarzəti muhimmə hədəfi dast pəydo kardeyşon ğərəz vəhdəti ro co qıləy ro zınedə nin və votışone: ımruj qıləy vocibə çiyonku Fələstin və Ğəzzəku himoyə kardeye və əqər kəsi ın koy əncom nıdo Pərvərdiqori tono suval iyən muaxizə vədə ğəror bəqətey.