İnğilobi Yolə Rəhbər:sionist rejimi cəzo doe ironi silohinə ğıvvon tərəfo ğanuni be.

İslomiyə inğilobi yolə rəhbəri cumə nımoji xutbəonədə votışe:bə islomi mudafiə hıkmon əsosi, İron İslom Respublika əsosə ğanunon iyən beynəlxalğə ğanunon əsosi ironi silohinə ğıvvon ruşinə hərəkət, ğatilə siyonistiyə rejimi cəzo doeyu komil ğanoni bə.

İslomiyə inğilobi yolə rəhbəri cumə nımoji xutbəonədə votışe:bə islomi mudafiə hıkmon əsosi, İron İslom Respublika əsosə ğanunon iyən  beynəlxalğə ğanunon əsosi ironi silohinə ğıvvon ruşinə hərəkət, ğatilə siyonistiyə rejimi cəzo doeyu komil ğanoni bə.

Bə yolə rəhbəri məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xamenei, tehroni cumə ibadi və siyasiyə nımojiyu milləti əzəmətinə icmaədə, mıslmonon vəhdətış bə ilahiyə rəhmət və izzət iyən deşmenon vədə bə ğələbə noyil ome boisış zınə və təkidış karde  bə islomi mudafiə hıkmon ,islomiyə Respublika əsosə ğanunon və  beynəlxalğə huğuğ, ironi silohinə ğıvvon ruşinə hərəkət, ğatilə sionist rejimi cəzo doeyu komil ğanuni bə və islomiyə Respublika ım cəhətdə  har qılə vəzifə his bıkə, təcili de zumandəti, əzəmət iyən ciddi əncom bədoy.

Həzrət ayətullah Xamenei bə deşmenon hərbi, siyasi, ixtisadi, ictimaiyyət və mədəni fərğış bıə siyasəton,təfriğə icod kardeyu işarəş karde və votışe: ironi milləti deşmen, Fələstin, Livan, Misr, Suriyə, İrağ və Yəmən iyən sayirə islomiyə məmləkəton zid deşmene və həmmə hucumon və təfriğə icod kardeyu əmron ilə fərmon doə mərkəzo təşkil bedə və yeqanə fərğ islomiyə məmləkətonədə çəvon metodon fərğe.

İslomiyə inğilobi yolə rəhbəri təkidış kardə bəpe mudafiə, istiğlol tələb karde iyən izzət və yoliyəti, kəməri əfğanistaniku tosə Yəmən və irono tosə Ğəzzə və Livan və həmmə islomiyə məmləkətonədə mehkəm bıbastəmon.

Həzrət Ayətullah Xamenei cumə nımoji 2 minnə xutbədə ki əvış ərəbi zıvonədə bəyonış karde bə həmmə islomiyə ummət  dınyo sərosərədə və xususi bə Livan və Fələstinı əzizə milləti xitob,  şəhid Nəsrullah həğiğiyə şəxsiyyət, ruh, əçəy qətə ro və əmandə sədoş əbədi zınə.

Həzrət Ayətullah Xamenei,  notəmizə deşmeni bə Hizbullah zumandə təşkilot iyən Həmas və islomiyə cihad və Xıdo roədə coqlə cihad əkə təşkilaton zid ciddiyə zərbə jeyu ocizı mandeş,çəvon terror, bombardımon, xərobion və ğeyri hərbiçion ğətliam karde və ğeyri silohinə odəmon bə matəm nışande dəlilış zınə və votışe:deşmen ım hərəkəton ıştə səbarzətion nışonə zındəy əmmo ım rəftori nəticə nəhayətdə tarixi səhifonku çəy nənqinə vucudi mole bəbe.

İslomiyə inğilobi yolə rəhbəri, təcavuzkarə rejimi əmniyyəti hifz kardeyu Amerkə və çəy şərikon fəaliyyətış qıləy plan, məntəğə həmmə mənbəon extiyorədə qəte və çəyku dınyo yolə daveonədə istifadə kardeyu xətoə siyasəton xotoş zınə və təkidış karde sionist rejimi cinayətkar və nomerdə rəftoron mubarizə əkon vədə bə  jıqo təməkarə vəziyyəti rəseyuy və əlovəş karde ım vəziyyət bəmə dərosnedə ki har qıləy zərbə bə təcavuzkarə rejim ha kəs və ha məcmuə tərəfo, bə həmmə məntəğə və bəlkə həmmə insoniyyət xıdmət hisob omedə.

Yolə rəhbəri, işğalqərə sionist rejimi mevcudiyəti qarant karde royaş sioniston və amerkəvıjon tərəfo qıləy botil və təşkil nıbə xıyolış zınə və votışe:ım pesoxtə bə rejim, xəbisə şəcərə iyən sulalə nımonəy ki sırf Amerkə himoyəonədə de veyə zəhmət ıştənış səpo oqətə və ım həm Xıdo koməkətiədə ve dənibəkəşəy.

Həzrət Ayətullah Xamenei bə ım həğiğəti işarəş karde ki tədricən sionistiyə  cinayətkarə band həm bə ım nəticə rəsə ki heç vaxti Həmas və Hizbullah vədə səbarz əbı ni, və bə Livan iyən Fələstinı millət iyən nıtarsə mubarizə əkon və səbrışon bıə ğədr əzınə cəmaəti xitob votışe: ım şəhodəton, ım bə zəmin emə xonon şımə hərəkati sıst əkə ni bəlkə nakonəsə ve zumand bəkay.

İslomiyə inğilobi yolə rəhbəri təkidış karde mığavimət ğəzzədə dınyo çəşış motəjə karde və bə islom izzətış do, Ələğsa tofan və Ğəzzə iyən livani 1 sorə mığavimət bois be səhyoniyə rejim bəştə  mevcudiyəti hifz karde fik-fən oqardo və votışe: ım yəni Fələstin və livanı mubarizə merdon mucahidəton karde zınəşe sionist rejimi 70 sor bə dumo nışande.

Im mərosimi oxoədə cumə nımoj və əsrə nımoj de islomi inğilobi yolə rəhbəri imoməti votə be.