İslomiyə inğilobi rəhbəri mışoviri votışe: Hormozı tanqə ironi stratejikə zərfiyəte

Bə Pars Tudey xəbəron əsosi islomiyə inğilobi yolə rəhbəri mışoviri təkidış kardə ki Amerkə və sionist rejimi bə ironi zid canq məntəğəku bəpe dəvardə və beynəlxalğə cəhətış qətə və əlovəş kardə Hormozı tanqə ironi co nıbə sərzəmine və çı məmləkəti həmməysə muhimmə stratejik, cuğrafiya, hərbi və siyasiyə zərfiyətonkuy.

Bə telerədyo aqentəti nəğli əsosi Pars Tudey xəbəş doə İslomiyə İnğilobi rəhbəri mışovir Muhəmməd Moxbir ironi TV 2 minnə kanali xəbəri xususiyə bərnomədə bə yodış dəğandə ki tanqə ısətnə vəziyyət ki çəmə extiyorədəy ironi siyasiyə coğrafiya və hərbiyə ğıvvəy.Moxbir əlovəş kardə amerkəvıjon bə məntəğə tərk karde məcbur bəmandenə ro ki çəyku dəvardedə dəvom doənin ni , çəvon xərci ve bəpe bəbarde.