Tehronədə Macarıstoni səfir bə İroni vəzorətxonə vanq bıə

Macarıstoni səfir çı Avropə İttifoği bə İroni bəzi fiziki iyən huğuği şəxson ələyh tətbiğ kardə nuyə sanksiyəon etıroz kardə holədə bə Xarici Koon Vəzərotxonə vanq jıey bıə.Avropə İttifoği bə İroni kali fiziki iyən huğuği şəxson ələyh tətbiğ kardə nuyə sanksiyəon elon kardey anqıl hərəkəti bədiqə,

Çı Macarıstoni Tehronədə bıə səfir çı Xarici Koon Vəzərotxonə siyosi mıovini tərəfiku vanq jıey bıə.bın vanqədə İroni İslomi Respublikə bə Avropə İbemoni oxonə ğərori ıştə şiddətinə etırozi səviyyə bəyon kardə holədə,bə İroni İslomi Respublikə zidd sanksiyəonış ğeyri-ğanuni və bə məcburəkə usulon dast ğandey hiç qıləy şikilədə məğbul nıbeyış təkid kardə.

Həmçinin təkidış kardə ki,İroni İslomi Respublikə de diqər kişfəron bıə mıdofiyə və hərbi həmkoəti ğanuniye və çı İroni mənafe və milli əmniyyəti nığo doey məğsədış heste.

İroni xaricikoon vəziri siyosi mıovin Məcid Təxt Rəvançi peso bə Avropə tərəfi ovard kardə holədə əlovəş kardə ki,Avropə İttifoği bə İroni sərnişin aviyaşirkəton ələyh sanksiyə tətbiğ kardeyış bə beynəlxalğə huğuğon standart və ğaydəon zidd,xususən həm insonə huğuğon əsos və ozodətiyon ojo-oşko darışteyış zınə və ımonış de Avropa insonə həxon iddiyon ziddiyyət təşkil doeyış hisob kardə.

Bə ın hisoboti əsosən,bə Avropa İbemoni nımoyəndəon tevsiyə kardey bıə ki,bə anti-İronə dayirəon,xususən həm bə seonist aparteid rejimi tələ nıeqınon iyən de İroni dırozmıddətinə mənafe və mınosibəton bo dışmenon məğsədon xoto çı İron-Avropə mınosibəton ğıboni nıdoon. Bə İRNA doə məlumoti əsos,oktyabri 14-ədə Avropə İttifoğ İroni bə Rusiyə ballistikə rəketon vığandey,çı Ukrayna mınoğişədə beəsosə iştiroki bəhonə vardə holədə,bə İronEyr,Mahan Eyr və Saha nomo seqlə aviaşirkəti zidd sanksiyəş tətbiğ kardə.