İroni barzətiyon

İroni barzətiyon

İroni co qılə torıxi iyən erjinə əsəronku bə “Tiyğandə kəson petroqlifon” işorə kardey bəbe.ın petroqlif ya sıği peyo həkk kardə bıə rəsmon,bə Həxaməneşiyon  ya Əhaməniyon Şuşi şəhrədə zımıstoni istirohəti ğəsr bıə Apadana sarayi dəbdəbəynə jimoni vırə hissə dərostə bıəyon ayide.çəy dırozi 4,75 metr iyən çəy pani 3,75 metre.“Kəmonçiyon ya Tiyğandə kəson petroqlifon” çe dəvəşə soğali materyailiku iyən de vivriski doə ranqon umujən kardə bıə.İminə Daryuşi ləşkəri kəmonçiyon çe Həxaməneşi podşoon həmməysə muhimmə qıləyniyon bə təsvir kəşeydə.İminə Daryuşi Cavidan nomo qələy sabitə ləşkərış hestebe ki,çe 10 həzo ğıvvəku təşkilış pəydo kardə be.yunanə torıxəvon Heredot ın vıjniyə bıə ləşkəri fəno nıbə(əbədiyə) ləşkər zıneydəbe.qıləy ləşkər ki,çəy əsrboz və əskəron çe har qıləy canqi bədiqə bəştə kəon iyən bəştə harujnə koon oqardedə nıbin.bəlkəm,sərbozxonəonədə hozzı bıə vəzyətədə mandedəbin.“Tiyğandə kəson petroqlifon” ısət həm çe Parisi Luvr muzeyədə xandi kardey beydə...

Antik İroniku baği mandə ziyodə petroqlifon ya sıği peyo həkk kardə bıə rəsmon fransə ya sayir kişəronədə mışohidə kardey bəbe.min cumlə çəvonku bə”Elamıjə jen iyən çəy kənizi sıği peyo həkk kardə bıə rəsm“-i işorə kardey bəbe ki,çəy torıx bə Milodiku bənav 7 ya 8 əsri oqardedə.ın lovhə çe İlamiyon bə zəmon bıə jimoni qıləy cilvə bəyon kardedə.çın lovhə peyo çe qıləy Elamıjə jeni təsvir heste ki,toğ rıştedə.qıləy holədə ki,çəy nədimə iyən kəniz həm bəçəy səy mu vo jeydə.”Elamıjə jen iyən çəy kənizi sıği peyo həkk kardə bıə rəsm“ iminə kəşf kardə bıə əsəre ki,toğ rıştey ənənə və adəti bə təsvir kardeydə.ın petroqlif ki,çe Şuşi torıxi məntəğəku bə dast omə,bə Milodiku bənav haftminə əsri ayide iyənholı-hozıyədə çe Parisi Luvr muzeyədə nığo doey beydə....

Apadana Saray torıxi iyən vindəninə əsəronku qıləyni Dıqlə Səynə Qo Sərsutune.

Dıqlə Səynə Qo Sərsutun ki,Milodiku bənav 500 sa sor soxtə bıə,bo Apadana Sarayi bomiro qıləy sutun bıə.Dıqlə Səynə Qo Sərsutun bə iyande nez dıqlə qo nışon doydə ki,bə iyande mıxolifə noxtədə mandən və keyfiyyəti nəzəku çın dıqlə sə qo miyono vey kamə tafut həm bəçəş çiyedəni.çəvon sə fiquron təfərruoton iyən və mohironə formədə bıə rəssoməti çın sənət əsəri soybon zərofəti nışon doydə.qıləy holədə ki,Dıqlə Səynə Qo Sərsutun ıştə poonışon ıştə bədəni jiyədə cəmışon kardə.çe həyvoni şoxon rost kardə bıə iyən həmlə kardə holədə soxtə bıə.çəvon barzə quşon deçəvon andomi heyrətamizə formədə bıə qıləy tənasubış heste.ın ğəşənq iyən erjinə ğədimə əsər həm çe Parisi Luvr muzeyədə oqətey doey beydə....

İroni xolçə dəvardə zəmononku de tobə ısət çe İroni mədəniyyət iyən hınə əsləti və orijinalətiş təğdım kardə.dınyo mərdum iyən nəcimə sənəti tərəfdoron veyni,İroni fərhənq,mədəniyyət iyən sənətkoəti de çandə nev ranqəranqə iyən tafutinə formədə boftə bıə xolçəon zıneydən.”Pazirəki xolçə” ki,ısət həm çe Rusiyə Armitaj muzeyədə xandi kardey beydə,bə Milodiku bənav penc ya çominə əsri ayid həmməysə kanə iyən iminə boftə bıə xolçəy.qıləy çi ki,bə ın torıxi əsəri vində kəson çoçinəti iyən heyrəti boyis beydə,de xolçə boftə sənətko təvəssıti bıə çe cərqəon nəzme.bəyjiyə ranqon iyən çəy peyo həkk bıə rəssoməti bənə suvariyon,de bədəni bıə heyvonon iyən tafutinə səon,vıl və həmçinin ahu və ceyranon ki, çın xolçə bın kınc bə kıncədə bə təsvir kəşə bıə,çın hınə sahə cozibədor iyən bə çəşi nəvoziş doə unsur iyən elementonkuye…