Ərağçi:Bəşər Əsəd çəmə tevsiyəon məseyku imtinoş karde

Ərağçi:Bəşər Əsəd çəmə tevsiyəon məseyku imtinoş karde

Ərağçi:“Bəşər Əsəd” çəmə tevsiyəon məseyku imtinoş karde

İroni İslomi Respublikə Xarici Koon Vəziri Suriyədə bə əməl omə prosesonış dıqlə aspektiku bərrəsi iyən tədğiği lozım beyış bəyon kardə.

Bə “Səhab” şəbəkə məlumoti əsos əsos,İroni İslomi Respublikə Xarici Koon Vəzir Seyd Əbbos Ərağçi bə Misri “Əl-Ğəd” şəbəkə doə mısohibədə Suriyədə bıə hodisəonış çe dıqlə rakursiku təhlili mumkinətiş bəyon karde və voteşe: “Əvvəl ıme ki,ım çe Amerkə iyən seonist rejimi bo reqiyoniro qıləy dıjdə loyihəy və hakəs ğərəz ımi fik kardedəbu,əv bə səhfi dıço bıə.

İroni İslomi Respublikə Xarici Koon Vəzir çe Amerkə iyən seonist rejimi bo reqiyoni qırd kişfəron zəyif kardero cəhdonoş bəyon kardə və əlovəş kardə:Amerkə-israyili məhvər bə seonist rejimi ələyh har curnə mığoviməti çe miyoniku bardero səy kardedən.

Bə Ərağçi sıxanon əsos,ın loyihə çe mığoviməti məhvəri bə seonist rejimi zidd kutləvi və şiddətinə hucumon bə həyot dəvordınə qıləy vaxtədə əncom doey beydə.Ərağçi peso voteşe: Suriyədə bə əməl omə prosesonədə bıə dıminə rakurs və cəhət çe Suriyə hukuməti deştə xalğ və muxalifəti bıə mutəğabilə əloğəy.

İroni İslomi Respublikə de Suriyə hukuməti tələbi de terrorizmi mubarizə məğsədi bın kişfərədə mevcud bıə və bə hukuməti deştə millət və muxalifəti bıə unsiyyət və rabitə hiç vaxti mudaxiləş kardəni.Eyni kontekstədə İroni Xarici Koon Vəzir əlovəş kardə:Əmə bə Bəşər Əsədi ziyodə tevsiyəon domone və əv,ımoni məseyku imtinoş karde.əmə bəy de İdlibədə bıə muxalifəti hərəkəton anqıl xəbərdorətimon karde və Suriyə hukumət mıstəğilə ğəroron doşe.

İroni İslomi Respublikə Xarici Koon Vəzir Seyd Əbbos Ərağçi həm ıştə bın mısohibədə çe israyili rejimi bə reqiyoni məmləkəton ələyh təcavuzon işorə kardə holədə votışe:Ğəzzə və Livani canqədə çe seoniston rəftoron və çın rejimi bə Suriyə zidd təcavuzon çe israyili rejimi bə həmmə reqiyoni təhdidi mevzuədə bıə çəşnaviyon rostəti nışon doydə.