İmom Xameneyi:İron dınyoədə stratejikə barze(bandi tıke)

İslomi inğilobi yolə rəhbəri Ğom ostani cəmiyyətiku çandə həzo nəfəri vindımonədə,erjinə neməton xoto mincumlə təbbiəti cəhəto iyən dınyo miyonə hisobədə bə inkişof rəsə kadron və çokə cuğrafiya şərayet iyən siyasiyə cuğrafiya muvğiiyyəti xoto ironış dınyoədə strateqiya barzi iyən bandi tıkış zınə.

İslomi inğilobi yolə rəhbəri Ğom ostani cəmiyyətiku çandə həzo nəfəri vindımonədə,erjinə neməton xoto mincumlə təbbiəti cəhəto iyən dınyo miyonə hisobədə bə inkişof rəsə kadron və çokə cuğrafiya  şərayet iyən siyasiyə cuğrafiya muvğiiyyəti xoto ironış dınyoədə strateqiya barzi iyən bandi tıkış zınə.

Bə yolə rəhbəri dəftərxonə məlumat ərosnə mərkəzi nəğli əsosi SƏHAB kanal xəbəş doə imom Xameneyi həşi 1356 nə sori dey manqi 10 nə ruji, Amerkə ə devrədə bıə prezdent  Karterı bə Tehron səfər karde və çəy Muhəmməd Rızaku pesoxtə tərifon və pəhləviyə ironi, əmniyyət və oroməti cəzirə  təğdim kardeku işarəş karde və votışe: həşi 1356 nə sorədə bıə İron ki Karter,Amerkə dıl piyə məmləkət zındə be, xariciyə siyasəti cəhəto mıtləğ bə amerkəvıjon tabe be və çəvon faydon təmin əkə bə, daxiliyə siyasəti cəhəto bə həmmə mıxalifə cəriyanon və de rejim fərğ doə cəriyanon təziği jiyədə ğəror qəte şohid hestimon,ixtisadi cəhəto nati həvateku veyə bəromə heste əmmo de şiddəti cəmaəti jimonədə fasilə heste, elm və texnoloqiya cəhəto bə domo mande muşahidə bedə və mədəni cəhəto qıləy məmləkət be ki fəsot, be həyoəti və ğərbı ğeyre əxlağinə mədəniyyət ha ruj əyo inkişofi holədə be.

Həzrət Ayətullah Xameneyi təkidış karde dey manqi 19 minnə ruji ğiyom amerkəvıjon dıl piyə ironış çəvon dastiku xariciş karde əmmo Amerkə ısət həm ə ironi arızuədəy ki əlbətdə jəqo ki Karter ım arızoş bə qur barde , coqlə amerkəvıjon həm bə qur bəbarden.

İslomiyə inğilobi yolə rəhbəri, istikbori həmməysə muhimmə sanqari dıliku, islomiyə inğilobi səbarzətiş Feronı sarayədə bə Həzrət Musa(ə) perosne zınəşe və əlovəş karde amerkəvıjon hanədə mandin və islomı əzəmətinə inğilob, çəvon foydəinə zumandə ğalə dıliku qılə.

Jəqo ki Feron həm ğofil be ki Həzrət Musa*ə) çəy kədə inkişof və yol be holədəy.

Həzrət Ayətollah Xaneneyi Amerkəvıjon, ironi milləti vədə 46 sorə səhvə hisob kitobon və siyasətonış, dey manqi 19 minnə ruji tarixiyə ğiyomi təhliliku amerkəvıjon həmonə xəto dəvomış zınə və votışe: əvon sanksiyaədə ironi ixtisadi miyono bardeşon hədəf qətə be əmmo ironi millət sanksiyaədə elm və texnoloqiyaədə inkişofış karde və mıxtəlif baxşonədə , bə ko hozzı bə cıvonon bə meydon omin.

Yolə rəhbəri amerkəvıjon tərəfo ıştə planon bə nəticə rosneyu təbliğatinə bərnamonku istifadə çandə bərobərə inkişofiku işarəş karde və votışe:ğəzzədə çandə 10 həzo insonışon kışte əmmo karde nıznəşone mığaviməti de zu miyono barde.

Livanədə bənə seyd Həsən Nəsrullah qıləy şəxsiyyət və coqlə fərmondəonışon şəhid karde əmmo hizbullah miyono nışı və miyono əşı ni.

Həzrət Ayətullah Xamenei işorəş karde ki istikbori zot çəy dəvardə rujonədə fərğış kardə ni və votışe: heç kəs fik  nıkə, Amerkə və sionist rejim ımruj, ə rujonədə fərğış kardə, əlbətdə çəvon metod və roon həzo bərobər fərğış kardə və inkişofış kardə ki çəy vədə həm bəpe həzo bərobər huşin  və de dığğəti əməl bıkəmon.

Həzrət Ayətullah Xameneyi ıştə sıxanon coqlə baxşədə ironış erjinə neməton xoto mincumlə təbiəti cəhəto və dınyo miyonə hisobədə bə inkişof rəsə kadron cəhəto, iyən  çokə cuğrafiyaiyə muvğeiyyət və siyasiyə cuğrafiya şərayeti xoto dınyoədə stratejikə barzi iyən bandi tıkış zınə  və əlovəş karde İron təğribən 80 sor çimi bə nav ,çandə 10 sor bə Amerkə tabe bə,əmmo islomiyə inğilob, ironış Amerkə mıştiku xaricış karde və boçimi əsosi  inğilobiku çəvon telə xatirəyoddə beşdə ni.

Ylə rəhbəri bə bəzi odəmon sıxanon ki votedən boçi islomiyə Respublika qıləy şərayetədə ki de avropaiyə məmləkəton rabitəş heste və çəvon səforətxonəon ironədə fəaliyyət kardedən. De Amerkə bə muzakirə və əlağə bərpo karde rozi mandə nin, votışe:İron, inğilobiku nav, amerkəvıjon çanqədə be, ki islomiyə inğilob bois be, ə siyasi və ixtisadi əzəmətinə sərvət, amerkəvıjon dastiku xaric bıbo, boçimi əsosi çəvon kin kudurət inğilobiku bənə dəvə(şatur) kin-kudurəte və ım de avropaiyə məmləkəton ve fərğ dodə.

İnğilobi yolə rəhbəri dəvardə 46 sori mıddətdə de qonə xərcon  İroni bəştə dast qəteyu, amerkəvıjon ocizətiş, ironi millət və islomiyə respublikaku çəvon kin-kudurəti coqlə illətış zınə və əlovəş karde Amerkə ım məmləkətdə  məğlub bə və ıştə məğlubiyətion əvəzi beşeyu cəhd kardedə, buçimi əsosi ha çəxtə karde bızno de ironi millət deşmenəti kardə.

Həzrət Ayətullah Xaneneyi ıştə bəyonoton oxoədə təkidış karde məntəğə mincumlə Suriyə hadisəon bəpe bə Fələstinı məsələ kam ranq be bois nıbo və votışe: mığavimətı əsosə moyə, səhyoniyə rejimi xəbisə hərəkəton vədə mandeye.

Yolə rəhbəri bə mığavimətı bəji mande iyən ruj bə ruj çəy zumand beku təkidış karde və votışe: əmə mığavimətiku. Ğəzzə, İordan ru ğərbiyə sahil, Livan, Yəmən və ha vırədə ki sionist rejimi vədə mandedən himoyə kardəmon.