İronədə Fəcri da rujon bino bıə

Imruj Bəhmənə manqi 12 iyən Milodi 2025-ə sori yanvari 31-nə ruj, de Fəcri 10 rujon mərosimi bino bey 1-nə ruji bərobəre.

46 sor çımiku bə nav Hecri Şəmsi 1357 nə sori Bəhmənə manqi 12 ədə bərobər de 1979 nə sori Fevrali 1 İroni islamiyə inğilabi təsis əkə Mərhum İmom Xomeyni 15 sor vətəniku dəbədər bey bəpeştə de İroni milləti əzəmətinə pişvozi bə İron varid bıə.

10 ruj ım daxıl bey bəpeştə yəni Bəhmənə manqi 22 ədə(Fevrali 11) İroni əzəmətinə inğilab bə səbarzəti rəse.

Bə həminə mınosibəti xoto ımrujnə rujiku detosə Bəhmənə manqi 22 yəni 10 ruji mıddətdə İronədə vey məxsusə bərnoməon de Fəcri da rujon unvani bərpo bəbe.

Xəbə omə ımruj Mərhum İmom Xomeyni(r) təyarə bə de Mehr Abadi airport varid bey sorardeşi həmzəman ım airportədə simolovinə mərasimon bə kəno kelisaon nağusi sədo vanq karde iyən ğətar və kəştion şeypur həm sədo doə be.

İroni millət həmçınin de ə həzrəti pokə hərəmədə bıə mərasimonədə iştirok peydoşon karde ijən de inğilabi simvolon ıştə əhdi tojəşon ka.

Beheşt Zəhra nomo bıə ğəbıstonədə həm İmom Xomeyni(r) nıştə vırə iyən şəhidon pokə ğəbol həm de vılə dastə dəroetə bəy və cəmaət bə çəvon məğami ehtırom kardedən.

Zinə sıbə faxti həm İroni Yolə Rəhbər Həzrəte Ayətullah Xamenei bə Mərhum İmom Xomeyni(r) pokə hərəm şe və de nımoj və Ğıron handey bə ə həzrəti məğam iyən vırə ehtıromış karde.