İmom Xameneyi:Ğəzzə milləti səbarzəti bə Amerkə ğələbə be

Fələstinı islomiyə mığavimət hərəkoti rəis və rəhbəriyə şura uzv ımruj sıb de islomiyə inğilobi rəhbər imom Xameneyi vindımonışon dəvoni.

Fələstinı islomiyə mığavimət hərəkoti rəis və rəhbəriyə şura uzv ımruj sıb de islomiyə inğilobi rəhbər imom Xameneyi vindımonışon dəvoni.

Im vindımoni əvvələdə Həması rəhbəri şura rəis Muhəmməd İsmail Dərviş mığavimətı ğəzzədə yolə səbarzəti mınosibəti bə islomiyə inğilobi yolə rəhbəri təbrikış vote və əlovəş karde əmə mığavimətı ğəzzədə səbarzəti de islomiyə inğilobi səbarzəti sorəqardışi qıləy mıbarəkə məsələ zındəmon və ommidımon heste ım bərobərəti Ğuds və Məscidul-Əğsa ozodəti nav şərayeti icod bıkə.

Bə islomiyə inğilobi rəhbəri dəftərxonə məlumat ərosnə mərkəzi nəğli əsosi pars todaey xəbəş doə. Həması siyasiyə dəftərxonə rəisi muavin cənab Xəlil Ləhiyyə ımvindi əvvələdə Ğəzzə mığaviməti səbarzəti mınosibəti bə islomiyə işğilobi yolə rəhbəri xitob təbrik voteədə elonış karde əmə ımruj qıləy holədə bə şımə  vindımon oməmon ki həmmə səbarzətion və ım yolə səbarzəti çəmə və islomiyə Respublika mıştərəkə səbarzətiye.

İmom Xameneyi ım vindımonədə Ğəzzə şəhidon və şəhidə fərmondəon xususi şəhid İsmail Həniyə yod və xatirə qiromi qəteədə bə Həması rəhbəron xitob votışe: mıtəalə Xıdo bə şımə və Ğəzzə millət izzət və səbarzəti ğısmətış kardə və ğəzzəş Kərimə Ğıroni şərifə ayə nımonəş ğəror do ki hamiyedə: mumkine qıləy qədə qrup de ilohiyə koməkəti və izn qıləy ve zumandə qrupi vədə bə ğələbə nail bo.

İslomiyə inğilobi yolə rəhbəri dəvomədə təkidış karde şımə bə sionist rejim və həğiğətədə bə Amerkə ğələbən kardə və de Xıdo lutf nahaştıne əvon bəştə heç qılə hədəfi bırəson.

İmom Xameneyi bə Ğəzzə milləti dəvardə 1 sor nimə mığavimətədə kəşə əzobonku işorəş karde və votışe: əxtə əzobon və zəhməton nəticə nəhayətdə həğ, botilı vədə bə ğələbə nail ome be vəĞəzzə millət həmmə kəsonru ki bə mığavimət dılışon bastə olqo bəben.

İslomiyə inğilobi yolə rəhbəri ım vindımonədə həması muzakirə əkonku ğədrdanəti kardeədə bə dast vardə roziyəti nəticonış yol zınə və votışe: ımruj islam dınyo və mığaviməti həmmə tərəfdaron vəzifə bə Ğəzzə milləti komək, çəvon əzobon və norohətionku kam karde xotoye.

İmom Xameneyi mədəniyə koonru bərnomə hozzı karde və təbliğatinə koon ısətnə ro dəvom doe, hərbiyə koon kənoədə iyən Ğəzzə xəribətion soxteş zəruri zınə və əlovəş karde mığavimət və Həması ğıvvon , təbliğatin və mediyaiyə koonədəve əlaə fəoliyyətışon heste və ım metod bəpe dəvom pəydo bıkə.

İslomi inğilobi yolə rəhbəri imonış deşmeni vədə əsosə dəlil və mığavimətı cəhbə silohış zınə və votışe: de həminə  imoni vositəye ki islamiyə Respublika və mığavimətı cəhbə deşmenon vədə zəifəti his kardedən.

İmom Xameneyi bə Amerkə tojə təhdidon, islomiyə Respublika və ironi milləti vədə işorəş karde və təkidış karde  jıqo təhdidon çəmə millət və məsul şəxson iyən məmləkəti fəolon və cıvonon piyo heç qılə təsir noy əzın ni.

Yolə rəhbəri bə yodış dəğande fələstinıku mudafiə karde məsələ və fələstinı millətiku himoyə həm ironi milləti zehnədə bə heç qılə sual bois bedə ni və qıləy həl bıə məsələy.

İslomiyə inğilobi yolə rəhbəri votışe: fələstinı məsələ bəməno qıləy əsosə  məsələy və fələstinı səbarzəti həm bəməno qıləy ğətiyə məsələy.

İmom Xameneyi təkidış karde nəhaiyə səbarzəti de fələstinı milləti bəbe.

Və bə yodış dəğande hadisəon iyən etat-petat bəpe bə şək-şubhə bois nıbo bəlkə bəpe de imon və ommidı ğıvvə bə nav bışəmon və bəilahiyə imdodon ommidımon bıbo.

İslomiyə inğilobi yolə rəhbəri oxoədə bə Həması rəhbəron xitob votışe: de Xıdo koməkəti ə ruj bərəse ki şımə həmmə de nəhoyətə səbarzəti Ğudsı məsələ islam dınyoədə həl bəkan və ə ruj  de ğətiyyəti təşkil bəbe.

Im vindımonədə Həması rəhbəriyə şura rəis Muhəmməd İsmail Dərviş, Həması siyasiyə dəftərxonə rəisi muavin Xəlil Ləhiyyə,İordan ru ğərbiyə sahilədə Həması rəis Zahir Cəbbarin,mığavimətı şəhidə rəhbəron xususi şəhidon İsmail Həniyə, seyd Həsən Nəsrullah,Yəhya Senvar, və Saleh Əlaroriku təclil kardeədə Ğəzzə və İordan ru ğərbiyə sahili iyən səbarzətion və bə dast vardə muvəfəğiyyəton iyən ısətnə şərayetiku məlumatış təğdim karde və islomiyə Respublika iyən ironi milləti daimiyə himoyəonku ğədrdanətişon karde.