Həzrət imom Huseyn(ə) milad və pasdaron ruj.

Şiəyon 3 minnə imom və dınyo şəhidon salar həzrət imom Huseyn(ə) milady sorqardımonə şəvi İslamiyə iron bə şoə mərasimon bərpo karde şohid bı.

Imruj 1 şanbə 2017 minnə sori apreli 30 bərobər de hicri ğəməri 1438-ə şəbanə manqi 3 dınyo şiəyon 3 minnə imom həzrət imom Huseyn(ə) viladəti sorqardımon iyən pasdaron ruje.

şəbanə manqi 3 minnə ruj islam iyən həzrət Muhəmməd(s) şəriəti yolə pasdari mubarəkə sorqardımone ki kərbəloədə dıştə nımonə fədakarəti bə dınyo ozodəti iyən yoliyəti dərsış do.

yolə şəxsiyyət ki kərimə ğıron və əzizə islamiku mudafiyə xoto nımonə bı.

ironi islamiyə respublika təsisəkə mərhum imom Xomeyni həzrət imom Huseyn(ə) milad rujış pasdaron ruj nomış no ta şiəyon 3 minnə imomi izzət ozodəti iyən bəsirət həmmişə əçəy şiəyon məxsusən islamiyə inğilabi pasdaron jimoni olqo bıbo.

islamiyə inğilabi sepahe pasdaran bənə qıləy təsir bınə silahlinə ğıvvə ironi islamiyə inğilab iyən islamiyə respublika nizomiku mudafiyə kardeyu yolə fəxre ki həmmişə ironi tarixədə ruşnə  dodə.

ironi tolışi rədyo tərəfo bə həmmə mıslmonon məxsusən tolışə həmzıvonon iyən dınyoədə ozodəti tələbkardəkəson təbrik votdəmon.