İslomi İnğılobi Rəhbər:Milli Dokaştey Hərəkoti ciddi ğəbul və dəvom kardey lozıme

İslomi İnğılobi Rəhbər:Milli Dokaştey Hərəkoti ciddi ğəbul və dəvom kardey lozıme

İslomi İnğılobi Rəhbər:Milli Dokaştey Hərəkoti ciddi ğəbul və dəvom kardey lozıme

İslomi İnğılobi Rəhbər de Dokaştey Ruji eyni vaxtədə seqlə do toğəşon kaşte.

Bə İslomi İnğılobi Rəhbəri Dəftərxonə məlumot baza əsosən,Həzrət Ayətullah Xameneyi ın toğəon kaştey bədiqə çe do kaştey foydənin,ayəndə vindey və sərvət vardə qıləy ko hisob kardə holədə,bə Şəhid Rəyisi devlətədə ponə soriku bino bıə bə Milli Dokaştey Hərəkoti ciddi dığğət rosney vocibəti işorə kardə holdə,do kaştey bənə salehə əməli zıney voteşe:doon,jimoni muhit və həyoti tərovətin və təmiz bəkarde.

İslomi İnğılobi Rəhbər do kaşteyış fəğət bə cıvonon ayid nıbey və mıxtəlifə sinnondə bıə insonon ın muhim,dıjd,zəruri və ğəşənqə ko həvəs və motivasiyə pəydo kardey bəyod dənoeyro,har sor bə həyot dəvordınə bıə toğə kaştey qıləy simvolikə əməl hisob kardedə.

Həzrət Ayətullah Xameneyi bə do kaştey de mıxtəlifə cəhətonku sərfəynə sərmoyə bey və sərvət vardeyış təkid karde və əlovəşon karde:de har qıləy məğsədi do kaştey,ısət çı bar doə doon miyvəku bəhrə bardey və ya çe çuonış ğıymətin bıə doonku istifodə kardey bıbu,hiç qıləy zərərış nıbə qıləy təmomən mənfəətinə əməle.

Ə həzrət,doon iyən məzə və sahəonış çe səlomətəti barzə amilış zıne və de bə ətrof muhiti barzə əhəmiyyəti təkid kardə holədə ğeydış karde:do və beməyon həvo təmiz kardey kəno,həmən çe jimoni muhiti və ətrof muhiti tojə və tərovətin kardedə,çe insonon rufi toravəti ziyod kardedə. çunki doo və rəsəyon çəş iyən dılon nəvoziş kardedə.

İslomi İnğılobi Rəhbər bə Şəhid Rəyisi devrədə bino bıə Milli Dokaştey Hərəkoti ciddi qətey vocibəti təkidış karde və voteşe:Dəvardə soriku bino bıə və ısət həm dəvom kardə ın plan nışon doydə ki,ço sorədə i milyard do kaştey əməli qıləy koye və devlətə onemonon bın sahədə bə xalği komək kardənine.

Həzrət Ayətullah Xameneyi de doon bırniye iyən kaştemoni sahəon istifodə əvəz kardey əloğədor xəbərdorətiş karde və əlovəşon karde:Texniki və zəruri holon istisno bıə holədə,doon bırniye zərərin və təhlukənine və vişon məhf kardey və bə kaştemoni sahəon təbdil kardey vəy qətey lozıme.

İronədə martə manqi 5-ku tosə 12-ə ruji(15-22 isfənd) “Təbiyi Sərvəton Haftə” nom noey bıə və çın haftə iminə ruj(6 mart) do kaştey ruje.