İslomiyə inğilobi yolə rəhbəri:de Amerkə muzakirə sanksiyaon anqıli ojnibəkay
İslomi inğilobi yolə rəhbəri de Amerkə ısətnə devləti muzakirə kardeş be nəticə və bə sanksiya anqıli çimi sə ve ku iyən nığıl be boisış zınə və votışe: İron İslom Respublika bə har qılə ehtımoliyə zərbə zumandə cəvob bədoy.
İslomi inğilobi yolə rəhbəri de Amerkə ısətnə devləti muzakirə kardeş be nəticə və bə sanksiya anqıli çimi sə ve ku iyən nığıl be boisış zınə və votışe: İron İslom Respublika bə har qılə ehtımoliyə zərbə zumandə cəvob bədoy.
Bə islomiyə inğilobi yolə rəhbəri məlumat ərosnə mərkəzi eloni əsosi islomiyə inğilobi yolə rəhbəri Həzrət Ayətullah Xameneyi ironi sərusəriku çandə həzo tələbə iyən siyasi, ictimaiyət ,mədəniyə təşkilaton fəalon və tələbəon tərəfo cihadinə qrupon vindımonədə votışe: ğərbı inkişofon vədə sakit mande iyən be hərəkətəti ironi millət və devləti zumandə ğıvvonku bə ğəflət bois bəbe.
Yolə rəhbəri ironədə pəhləvi silsilə bino əkə Rızaxanış bə ğərbi tərəf meyli simvolış zınə ki bə təxribot və vironi boisış zınə və əlovəş karde İnqiltərə ə ğuldurış bə ko varde və peşo ıştə faydon xoto əvışon peqəte.
əmmo həminə mıddətdə rızaxanı xətoə ro halğə, ğərbıkuitaət karde zərurətış məmləkəti həmmə koon və məsəlonədə ictimaiyyətdə bıə fikonədə bə riyəş eğande və məmləkətış dıləku puçış karde və heç qılə milliyə nuktə bənə milliyə ixtisad, milli daxili və xariciyə siyasət və hətta milliyə olətış ironıjonro nımande.
İslomiyə inğilobi yolə rəhbəri ğərbı ironədə huzuri 2 minnə təcrubəş ,İnqiltərə və çarə Rusiyə dastədə məmləkəti bəzi baxşon işğal karde və ğəhti iyən cəmaətiku çandə həzo nəfəri marde, daxiliyə hərəkaton və inğilabon etosnevə nənqinə muğaviləon mincumlə Darsi natə muğavilə Rızaxanı zəmanədəş zınə və əlovəş kardeım hadisəon ğərbion botinış millətiyu xususi cəvononru oşkoş karde ki çəvon sıre və dərustə bə zahiri peştədə qıləy xəbis və xainə botin heste vəım macəro məmləkətdə bə ğərbı mədəniyyət eşğ və əlağonku kamış karde.
Yolə rəhbəri natı milliyə hərəkotış ğərbı botinı oşko kardeyu tarixi qıləy barzə nuğtəş zınə vəəlovəş karde qıləy holədə ki Musəddığ de İnqiltərə mubarizə bardeyu bə Amerkə peştpur be, həminə amerkəku zərbəş harde və bə çəy devləti zid kudeta(devləti peqordımon) de Amerkə pul və imkon təşkil be.
Həzrət Ayətullah Xameneyi təkidış karde de həşi 1332 nə sori mordad manqi 28 nə ruji kudeta ya devləti peqordımon karde nəticə oşkoş karde ki bə ğərb peştpur mande bə inkişofi mane bedə və bə inkişof bois bedə ni və əlovəş karde ım həğiğət həm oşko be ki ğərbion de har qılə məsələ ki çəvon faydon və izofə tələbonədə zid bıbo ve be rəhm hərəkət bəkan.
İslomiyə inğilobi yolə rəhbəri tələbəon bə Amerkə zid mubarizə barde hərəkəton bino beş bənə tehroni ali məktəbi tələbəon azərə manqi 16 minnə ruji ğiyom bə Niksonı səfər və 3 qılə tələbə bə şəhodət rəse de hukuməti dasti , ğərbı botini oşko be əsəronkuy və bə ğərb aşığ mande xətti dəvon, hərçandım məsələ zəif bə be tosə inğilobi səbarzətiku nav dəvomış hest bı və əlovəş kardeəqər həşi 1357 nə sori islomiyə inğilob təşkil nəbi məmləkət qıləy roədə be ki bə xaric vobəstə mande ve beədə ıştə həmmə mənəviyə faydon və sərvətonku məhrum və təyli əbi.
Yolə rəhbəri deşmenon fəoliyyət karde hədəfış xususi de rabitə tojə roon və ğərbı nufuz və sultə bə İron oqırdıne və həmonə bə domo nışte ruhiyə dəvom, iyən ironıjə cıvonon və tələbəon tərəfo inğilobiku bə nav tabe iyən vobəstə mande ruhiyə bərpo kardeş zınə və votışe: de ım plan dim bə dim be ro, zumandə ruhiyə dəvome,eyne holədə bəpe deşmenon fəoliyyəton vədə, dini, əxlaği,irfani məsələonədə çokə inkişof icod bıbo və erjinə fikriyə şəxsiyyətonde tojə iyən bə rujnə zıvoni islomiyə mənaon bəyon karde holədə hestin.
