Ayətullah Xatəmi:Mızokirəonədə ğərəz Xıdo bəpe bə hiç kəsi dıl nıdəvastəmon
Ayətullah Xatəmi:Mızokirəonədə ğərəz Xıdo bəpe bə hiç kəsi dıl nıdəvastəmon
Ayətullah Xatəmi:Mızokirəonədə ğərəz Xıdo bəpe bə hiç kəsi dıl nıdəvastəmon
Tehroni cımə nımoji xətib çe İron iyən AİŞ miyono nuvə məsələ və de sanksiyaon ləğvi anqıl bə ğeyri-sərostə mızokirəon işorə kardə holədə votəşe:bın mızokirəonədə ğərəz Xıdo bəpe bə hiç kəsi dıl nıdəvastəmon,çe mığovimətiku onoqnəmon iyən bəpe ıştə tale de mızokirəon anqıl məjənmon.
Pars Tudey bə İRNA istinodən doə xəbə doydə ki,Ayətullah Seyd Əhməd Xatəmi 1404-ə sori fərvərdini 29-ədə Tehroni cımə nımoji zəmonədə iminə xutbədə votəşe:bın rujonədə dınyo və İronədə çe mızokirəon mevzu bəhsi nəzədə qətə holədə,de ğeyri-sərostə mızokirəon anqıl dıqlə nuktə və məğami ğeyd kardey lozıme.iminə mətləb ıme ki,bəpe ıştə dılon ğərəz Xıdo bə cokəson nıdəvastəmon.mızokirəon qıləy çi ni.qırd məsələonədə bəpe ıştə dılon fəğət bə Xıdo dəvastəmon.Dışmenon bəpe bızınon ki,İroni xalğ sanksiyaon ğəbul nibəkarde və təslim nibəbe.
Əv,bə İmom Sadıği(ə) kəlomon işorə kardə holədə ğeydışon karde:“Mediya və mətbuat bəpe dığğət bıkon ki, dınyəvi hukumət və dini bə ın məmləkəti hukm nıkardey piyə kəson çəmə imomon bənə çe siyosətiku bə diyəro bıə barzə şəxsiyyəton nışon doey cəhd nıkon iyən şımə bəpe bəçəvon tori dılə nıeqınon.İmom Sadığ(ə) siyosi səhnədə be,əmmo duyədə ə həzrəti bənə çe siyosətiku bə diyəro bıə imomi təğdım kardedən.
Ayətullah Xatəmi bə 29 Fərvərdin Ərteş iyən Zəmini Ləşkəri ruji işorə kardə holədə votəşe:Bo silohinə ğıvvon həmməysə çokə tərif İmom Əli(ə) doydə və hamyedə ki,silohinə ğıvvon çı təbəə və rəiyyəti qalə,çe hukmdori ziynət,çe dini şərəf və əmniyyəti təmin kardedən.çəmə silohinə ğıvvon çandə qılə iftixor iyən şərəfışon heste:Çəmə silohinə ğıvvon ideolojiye,xalğikuye və çəmə silohinə ğıvvon ali sər komandan çı dınyo hiç qıləy vırədə ni.
Tehroni cımə nımoji xətib bə İron iyən AİŞ miyono bardə bıə mızokirəon işorə kardə holədə votəşe:ğeyri-sərostə mızokirəon səbəb ıme ki,əmə bə tərəf mığobili etibo kardedənimon və əvon dıqlə co salonədə nıştə holədə mesaji mubadilə kardedən.mızokirəon fəğət de atomi məsələon əloğədore və çəməku de ğeyri-nuvə problemi anqıl qıləy mızokirə bıəni və nibəbe.
