İroni Qolıstan ostani Azadşəhri mədənədə ko kardə kəsonku 21 nəfər mardin.

İroni Qolıstan ostani iztroriyə kamissiya mudir çın ostani Azadşəhr nomo şəhri Zemestan Yurt mədənədə 21 nəfəri mardeku xəbəş do.

Bə İrib raporti əsos Sadığ Əli Moğəddəm zinə şəv elanış kardə: bə 35 nəfər nezi ım mədənədə ko kardə kəson hələ mədənədə qiriftor bən ki imdod ərosnə məmoron detosə bə ısət çı 21 qılə fəhləon cənozəon pəydoşon kardə.

Əv təkidış kardə ki imdod və nicot əməliyaton ijən dəvomış heste.

Xəbə omə ki həminə dardinə hadisə xoto bım ostanədə 3 ruj umumiyə əzo elan bəy.

İroni prezident və İroni prezidenti i minə muavin qıləy peyğumədə ım hadisəşon sə bə səloməti votışone ijən təkidışon kardə ki həmmə təşkilaton iyən baxşon bəbe bo qiriftor bıə kəson xilos kardero ıştə həmmə imkanat və zərfiyətonku istifodə kən.

Ağaye Ruhani ım hadisə barədə votışe: Qolıstan ostanədə Azadşəhr mədənədə çandə fəhləon marde çı İroni milləti dıli norohətış karde ijən lazime ta zərəl və ziyon vində ailəon matəmiku kam bıkəmon.

İroni xarıci vəzir Ağaye Zərif həm ım hadisədə çandə mədənədə ko kardə kəson marde faciəş sə bıə səlomtəti votışe.

Zınə və İroni Qolıstan ostanədə bıə Zemestan Yurt nomo bıə mədənədə hadisə xoto de təəsufi 21 nəfər çı Azadşəhri mədənkoronku mardən ijən 30 nəfər həm zəxmin bıən.

Vote bedə ki hələ 35 nəfər ım rejiyə mədəni xərobəon jentonədə qiriftorin.