Tehroni cumə nımoji xətib kişvərədə bə vəhdət iyən i bemon təkidış kardə.

Tehroni cumə nımoji xətib votışe: İroni prezidentəti səçıni dəvoniye həmmə mərhələonədə bəbe kişvəri milliyə vəhdət iyən siyasiyə i bemoniku mıhofizə bıbu.

Tehroni cumə nımoji bım haftə xotbəonədə Ayətullah Emami Kaşani əlovəş kardə: İroni prezidenti vıjniye mıvzo muhimme əmmo çımiku vey muhim çı İroni kişvəri vəhdət iyən i bemone ki bəbe muhafizə bıbu boçi ki ım millət dəvardə 38 sori mıddətdə deştə isar və fidokarətion İroni islamiyə inğilabi peştədə mandəşone və boyis bən ki ım inğilab dınyo və məntəğədə bə ısətne vırə iyən vəziyət bırəsi.

Emami Kaşani bə deşmənon plan və bevəcə bərnoməon İronədə nıfuz peydo karde ijən bə İroni nizom zərbə varid karde işorəş kardə və votışe: İronədə səçıni dəvoniye və təbliğaton cərəyonədə jıqo məbu ki bəzi mıvzoon sayədə iştimaiyətədə oromətətion ləğv və məhv bıbu.

Tehroni cumə nımoji xətib ijən bə iştimaiyətədə vəhdət və mənəviyəti əhəmmiyət iyən namzədon diğğət karde bə ım muhimmə əsl təkid və işorəş kardə ki: harcurnə vəziyətdə bəbe çı kişvəri siyasi i bemon muhafizə bıbu həmçınin bə İron zərəl və ziyon varid karde xoto çı deşmənon bevəcə planon məğlub bıkəmon.

İronədə prezidenti səçın Mayə manqi 19 ədə bərpo bəbe.