Ğıbonə idi təbrik

Imruj Cımə ruj,Hicri-Ğəməri 1446-ə sori Zilhiccə mo 10-ə,2025-ə sori iyunə manqi 6-ə ruj çe dınyo mısılmınon yolə idonku qıləyni “Ğıbonə id” və ya “Əzha” idi ruje.

Ğıbonə idi ruji bo Xıdo Kə ziyorət kardero şeyə zəvvoron de Xıdovəndi əmri və boçəy rizoro Ğıbonə heyvonon bırniyedən, İlahi yolə pəyğombər bıə Həzrət İbreymi(ə) xotırə bəyji kardedən və bəy hurmət və ehtırom noydən.

Xıdovənde-Aləm boçəy imon və səmimiyyəti imtovon kardero bə Həzrət İbreymi(ə) ıştə zoə Həzrət İsmoyli(ə) Xıdo royədə ğıboni kardey əmrış doe.Həzrət İbreymi(ə) həm bə çın ko saxtəti nəzə nıkardə holədə,bə İlahi əmri tabe be və bo ın risolət iyən missiya bə vırə rosnero hozzı be.lakin çanədə səyış karde,çəxo çəy zoə Həzrət İsmoyli(ə)qıy və qərdənış nıbırniye.Bın zəmon bo Həzrət İbreymi(ə) nido ome ki,əv,çe İlahi imtovoniku dəvardə və ğəbul bıə.peşo bo Həzrət İsmoyli(ə) əvəzi ğıboni kardero qıləy pəsə ğoç vığandey be.Bın ibrətamizə əhvolotədə fədokorəti,bəştə nəfsi tələbon ğalib omey və bə Xıdovəndi əmri təslim bey dərson heste.Bə ın səbəbi xoto dınyo mısılmınon həm Zilhiccə mo 10-ə ruji bənə yol iyən və əzəmətinə İslomi idi ğeyd kardedən və çəyku ixlos və bandəçəti dərsi seydən.İron İslom Respublikə Tele-Rədyo Şirkət həm həmmə dınyo mısılmınon de Ğıbonə idi damey munasibəti təbrik kardedə.