Burucerdi:de terarizm mıştərəkə mubarizə məntəğə əmniyyəti na şərayeton təmin bəka.
İroni məclisi milli əmniyyət kamisiya rəisi votışe:de terarizm mubarizə bardeədə məmləkəton mıştərəkə həmkarətion əmniyyət və oroməti bə məntəğə oqırdıneədə muhimmə rolış heste.
İroni islamiyə şura məclisi milli əmniyyət və xariciyə siyasəton kamisiya rəisi zinə tehronədə de Almaniya xarici koon vəziri muavin Markus Edrer təşkil doə vindımonədə əlavəş karde məntəğə bəzi məmləkəton dıştə səhvə təhlilon bois bən ta Amerkə dıştə şərikon ğeyre mənteğiyə hərəkəton məntəğədə suriyəku desbə Liviya bıhroni inkişaf doeyu şərayeton hozzı bıkən.
Burucerdi həmçinin Yəmən və bəhreynədə bə insonə faciə işarəş karde və ım 2 qılə məmləkətonədə cinayəton iyən be qınoə insonon kışte vədə çəvon tam jəeku tənğidış karde .
Burucedi votışe: 2 qılə məmləkəti məsul şəxson əlağə iyən muzakiron inkişaf məntəğə iyən beynəlxalğə məsəlonədə 2 tərəfə əlağon inkişaf doeyu iyən dəvominə əmniyyəti icod kardeyu təsirış heste.
