Bəğayi:AİŞ ıştə bə diplomatiya həyğiyə sadığəti subut kardənine

Bəğayi:AİŞ ıştə bə diplomatiya həyğiyə sadığəti subut kardənine

Bəğayi:AİŞ ıştə bə diplomatiya həyğiyə sadığəti subut kardənine

İron İslom Respublika Xarici Koon Vəzərotxonə sıxanəvot de İron iyən AİŞ miyono nuvə muzakirəon bərpoəti mumkinəti anqıl təkidış kardə ki, Vaşinqton iminə nevbədə ıştə bə diplomatikə roon bıə həyğiyə poybandəti iyən sadığəti subut kardənine.

İroni Xarici Koon Vəzərotxonə sıxanəvot ın sıxanonış çe sehyonist rejim iyən AİŞ-on nuvə obyekton həm daxil bıə holədə,bə İroni sərzəmini hucumon bədiqə eskalasiya ziyodəti fonədə votəşe.İron ısət de AİŞ-on miyono atomi muzakirəon har qıləy mumkinə oqardemon de Vaşinqtoni rəftorədə psixoloji canqiku bə realə diplomatiya əvəz kardey əloğənin zıneydə.Im bəyonoton bənə Oman iyən Ğətəri bıə kişfəron ğeyri-sərostə əloğə və vositəçiyon rəğmən,çe İroni bə AİŞ-on niyyəton bıə bovə nıbey nışon doydə.

Bəğayi təkidış kardə:Əvon (AİŞ) diplomatiyaya bə diplomatiya həyğiyə sadığəti nışon doəninin.İroni Xarici Koon Vəzərotxonə sıxanəvot Bəğayi əlovəş kardə ki,bəpe diplomatiyaku suyi-istifodə kardey nıbu və ya çəvonku bənə dışmeni ələyh bə dast dənoey və ya psixoloji muharibə avjori oko doey nıbu.