İroni kəşfiyyat vəziri votışe:deşmenon hərəkəton həmmişə diğğət mərkəzədəy.
İron İslam Respublika kəşfiyyat vəziri votışe:ironi kəşfiyyat ğıvvon hətta deşmenon qədə hərəkəton həm diğğət mərkəzədə ğəror dodən.
Bə telerədyo aqentəti xəbon əsosi seyd Məhmud Ələvi zinə şanqo Nezəşərğ məntəğədə İron İslam Respublika əmniyyəti barədə işarəş karde və votışe:ironi əmniyyət kəşfiyyat ğıvvon ğeyre oşkoə fəaliyyəton iyən mucahidə hərəkəton nəticədəy.
İroni kəşfiyyat vəziri votışe:huşin be iyən hevojə səthədə həmmə məsələonku xəbədo be qıləy zərorəte çunki mumkine deşmen bə ironi əmniyyət zərbə je fursəti bə dast biyə. Ələvi həmçinin işarəş karde qıləy məmləkəti ğıvvon harçisə bə nav məmləkəti siyasiyə şərayetiku bə milləti tərəfdarəti karde anqıle və votışe: vıjnımonədə ironi milləti hərarətinə huzur ki həmmişə bəy şohid hestimon İron İslam Respublika iğtidari simvole.
mayə manqi 19-ə ironi prezidentəti vıjnımoni 12 minnə mərhələ və həmzəman ironi mıxtəlif vıronədə şəhr iyən dionədə islamiyə şura vıjnımoni 5-ə mərhələye.