Iron: bə Suriyə həmləon məhkum kardedəmon

İron İslom Respublika , İ bə milləton təşkilatədə bıə səfir və daimə nımayəndə israil rejimi bə Suriyə zid tojə hucumonış məhkum kardə və votəşe jıqo hərəkəton ə rejimi tərəfo xətoə hərəkəton şiddətin karde nışon dodə ki həmçınan  ğeyre ğanoni Suriyə bəzi baxşonış işğal kardə və İ bə milləton təşkilati ğanonon və beynəlxalğə huğuği darışteədə bəştə işğalqərəti dəvom dodə.

Əmir Səid İrəvani zinə əsrə vaxti  de məhəlliyə vaxti əsosi əmniyyət şura foğəladə iclosədə israil rejimi bə Suriyə hucumi həxədə votışe: ım hərbiyə hucumon qıləy şərayetədə əncom bedə ki israil rejimi işğalqərəti Suriyə işğaliyə colanədə dəvom kardedə.