Ğəribobodi:Bə İroni hucum Bo Əmniyyət Şuraro qıləy torıxi imtovon be

Ğəribobodi:Bə İroni hucum Bo Əmniyyət Şuraro qıləy torıxi imtovon be

Ğəribobodi:Bə İroni hucum Bo Əmniyyət Şuraro qıləy torıxi imtovon be

İron İslom Respublika Xarici Koon Vəzirəti huğuğ və beynəlxalğə koon sahədə vəziri muavin İMT-ədə de 110-sə ziyodə kişfəri numayəndəon dəvordınə brifinqədə votəşe:Bə İroni hucum oşkoə cinoyəte və bo Əmniyyət Şuraro qıləy torıxi imtovon be.

İron İslom Respublika Xarici Koon Vəzirəti huğuğ və beynəlxalğə koon sahədə vəziri muavin Kazım Ğəribobodi bın didoədə çe seonist rejimi oxonə həşto sorədə reqiyonədə noəmni iyən ğeyri-sabitəti əsosə səbəbkorış hisob kardə və təkidış kardə:In,həmonə rejime ki,300,000-sə ziyodə terroristə hərəkətonış kardə,haft milyonisə veyə insononış dərbədər kardə və çandə sa həzo insonış şəhid kardə və 1 milyonisə ziyodə Fələstınıjonış həbs kardə.

İroni xarici koon vəziri muavin bə seonist rejimi nuvə arsenali təhlukəynə mohiyyət və xarakteri işorə kardə holədə votəşe:Ğudsi işğaləkə rejim  tərksiloh və nuvə silohon pevolo nıbey mığoviləon hiç qıləyni uzv ni və çandə sa qılə atom bombə ıştə arsenalədə xandi kardedə.

Ğəribobod bəştə sıxanon jıqo dəvomış doə:İroni nuvə proqram həmişə sulhməromin bıə və Beynəlxalğə Atom Enerji Aqentəti ciddi və dəvominə nəzorəti jiyədə bıə holədə,seonist rejim de İroni nuvə bomba anqıl pesoxtə iddiyon si sorisə ziyodə vaxte ki,iştimoyi ray və AİŞ hukuməti bə dast dənoydə.