Ğəribobodi:Aqentəti texniki qrup bə İron bomeyn

İron İslom Respublika Xarici Koon Vəzirəti huğuği və beynəlxalğə koon vəzirəti muavini çoşanbə ruji bəyonış kardə ki,Tehron de Atom Enerji Beynəlxalğə Aqentəti texniki qrupi bın nezə dı-se haftə ərzədə bə Tehron səfə kardey koy rozi bıə.

Nyu-Yorkədə çe İMT icloson çərçivədə de jurnaliston sehbət kardə Kazım Ğəribobodi ısətnə vəzyətədə bə de Aqentəti nuyə mızokirəon ehtiyoc bey təkid kardə holədə votəşe:Nuyə şərayitədə ehdəmonon bə vırə rosneyro de Aqentəti nuyə mızokirəon tələb kardedə və ın,vocibə mevzuye.

İroni Xarici Koon Vəzirəti huğuği və beynəlxalğə koon vəzirəti muavini bə Tehroni nuvə siyosəti işorə kardə holədə votəşe:Qəncin kardey məsələdə İron ıştə ehtiyocon əsosədə uranı qəncin bəkarde və əmə bəpe bəçəmə ehtiyoc bıə har qıləy çi kardey imkoni malik bıəninimon.Ğəribobodi oxoyədə təkidış kardə ki, aqentəti texniki qrupi bə İroni nuvə obyekton osə nibəğandeyn.