İron İslom Respublika və Pakistanı məclison rəison vindımonışon dəvoni

İron İslom Respublika və Pakistanı məclison rəison qıləy 2 tərəfə vindımonədə de sionist rejimi fitnəon mubarizə barde islomiyə məmləkəton miyonədə bə həmkoəti iyən vəhdəti zərurəti təkidışon karde.

İron İslom Respublika və Pakistanı məclison rəison qıləy 2 tərəfə vindımonədə de sionist rejimi fitnəon mubarizə barde islomiyə məmləkəton miyonədə bə həmkoəti iyən vəhdəti zərurəti təkidışon karde.

Bə İRNA nəğli əsosi pars todey xəbəş doə  Muhəmməd Bağır Ğalibaf  cenevrədə , dınyo məclison rəison 6 nə iclosi kənoədə de pakistanı milliyə məclisi rəis Əyaz Sadığ vindımon və votımonış dəvoni.

Ğalibaf ım vindımonədə ,pakistanı dust və bıvə məmləkəti siyasətonku sionist rejim və Amerkə bə İron İslom Respublika tojə təcavuzədə elon kardə siyasəton qorə ğədrdanətiş karde .

İroni islomiyə şura məclisi rəisi təkidış karde sionist rejim bə islomiyə məmləkəton zid bəştə  təcavuzu dəvom bədoy və əlovəş karde əvon islomiyə məmləkəton baxş bə baxş karde domoədə hestin buçimi xoto bəpe ciddiyə surətədə çəvon vədə bımandəmon.