İroni prezdenti Əllomə İğbal Lahori xotırəş de ehtıromi yod karde

İroni prezdenti Əllomə İğbal Lahori xotırəş de ehtıromi yod karde

İroni prezdenti Əllomə İğbal Lahori xotırəş de ehtıromi yod karde

İron İslom Respublika prezdent şanbə ruji bə Pokıstoni kardə səfə iminə hissədə bo çın kişfəri farsi zıvono nıvıştə şayir Əllomə İğbal Lahori məğbərə ziyorət kardero bə Pəncab əyoləti poytaxti omə və bə Pokıstoni ın yolə şayiri ıştə ehtıromış nışon doə.

İron İslom Respublika prezdent Məsud Pezeşkiyan bə Pokıstoni kardə səfə iminə hissədə de qıləy barzə rutbəynə heyəti səyvonəti zinə şambə ruji şəvi saatonədə bə Pəncab əyoləti mərkəzi torıxi Lahor şəhri omə və Pokıstoni sabiğ vəzir Nəvaz Şərif və Pəncab əyoləti sərvəzir Məryəm Nəvaz Şərifi tərəfiku ğəbul kardey bıə.Pezeşkiyan çe Əllomə İğbal Lahori məğbərə ziyorət kardey bədiqə bə xotırə kitobi həm imzoş şodə.İron İslom Respublika prezdenti bə İslomobodi bıə dırujnə səfə rujnomədə de Pokıstoni barzə rutbəynə vəzifəynə rəsmiyon vindemonon iyən çandə qılə həmkoəti sənədon imzo kardey mevcude. Pezeşkiyan rəsmi səfə de Pokıstoni iminə vəzir Şahbaz Şərifi rəsmi dəvəti bə həyot dəvordıney beydə.