İroni Mudafiyə Vəzir:İron iyən Pokıston beynəlxalğə səviyyədə bə iyande dastək doydən

İroni Mudafiyə Vəzir:İron iyən Pokıston beynəlxalğə səviyyədə bə iyande dastək doydən

İroni Mudafiyə Vəzir:İron iyən Pokıston beynəlxalğə səviyyədə bə iyande dastək doydən

İroni Mudafiyə iyən Silohinə Ğıvvon Dəstəki Vəzir Tehron iyən İslomobodi beynəlxalğə səviyyədə bo iyande himoyə kardero nezəti xotırcəməti ifodə kardə holədə votəşe:mıştərəkə imkonon və təhdidon çe dıqlə kişfəri miyono zızdə həmkoəti niyoz iyən ehtiyoci ziyod kardedə.

İroni prezdenti bə İslomobodi bıə rəsmi səfə çərçivədə şambə ruji şəvi zəmonədə İroni Mudafiyə iyən Silohinə Ğıvvon Dəstəki Vəzir briqada qeneral Əziz Nəsirzodə deştə pokistonıjə həmko Xacə Məhəmməd Asifi vindemon kardəşe.əv,çın dido oxoyədə çe jurnaliston cəmədə bə İRNA muxbiri sıvoli cəvobən  votəşe:Xoşbəxtətiku,dıqlə kişfər beynəlxalğə səviyyədə bo iyande himoyə kardero və bə iyande dastək doeyro bə vey çokə mevğeyon malikin.

Nəsirzodə əlovəş kardə:Dıqlə məmləkəti dimbədim omə mədəni,torıxi,dini mıştərəkətiyon və umumi təhlukəon həm daxil bıə holədə,mıxtəlifə sahəonədə həmkoəti sahə və zəminəon heste.ın sahəon və zəminəon bəçəvon miyono rabitəon səviyyə ozavziye iyən inkişofi səbəb bıə.