İroni prezdent: İroni mudafiyə doktrina nuvə silohi rədd kardeye

İroni prezdent: İroni mudafiyə doktrina nuvə silohi rədd kardeye

İroni prezdent: İroni mudafiyə doktrina nuvə silohi rədd kardeye

İroni prezdenti votəşe:İron İslom Respublikə bəştə fundamental etığod iyən mudafiyə doktrina əsosən,hiç vaxt bo atomi silohi icod kardeyro cəhdış kardəni,kardedəni və nibəkarde.

İroni prezdent Məsud Pezeşkiyan de Rusiya prezdent Vladimir Putini telefonə qəpədə çın kişfəri hukuməti de İron İslom Respublikə urani qəncin kardey huğuği anqıl mevğeyış barz qətə və əlovəş kardə:İron de Rusiya dıitərəfinə fəoliyyətiku əlovə,bənə Avrasiya İttifoği,Şanxay Həmkoəti Təşkiloti bıə reqiyonal və beynəlxalğə təşkiloton,xususən həm Rusiya və bo bə BRİKS-i uzv devləton bə itərəfəti ələyh mandero səmərəninə platforma hisob kardedə.

Pezeşkiyan bə Ermənıstoni oxonə səfə həm işorə kardə holədə votəşe:“Ermənıstoni sərvəziri bın səfə zəmonədə xotırcəmış karde ki,çın kişfəri de Azərbaycon Respublika və de AİŞ oxonə votemonvə roziyətoyonədə çe İron İslom Respublikə və Rusiya mulahizəon tam bə nəzə sey bıə və de İron iyən Rusiya iştiroki 3+3 mızokirəon çərçivədə mızokirəon bo Ğəfğazi məntəğə vey səmərənin bəbe.

“Pars Tudey” bə prezdenti informasiya sayti istinodən doə məlumoti əsos,Vladimir Putin de AİŞ prezdenti Alyaskada bardə oxonə mızokirəon nəticəonış həm bəyon kardə və votəşe:“Bın didoədə bardə bıə mızokirəon umumən çe Ukrayna məsələ barədə be”.

Rusiya prezdent Moskva-Tehron munasibəton prosesış konstruktiv və dəvominə formədə inkişof kardə prosesış tevsifış karde və əlovəş kardə:Imsornə sori sıftənə 6 manqədə çe dıqlə kişfəri miyono ticori mubadiləon 11 fayiz ziyod bıə və diqər sahəonədə həmkoəti,ə cumlə həm muhimmə Rəşt-Ostoro osonə ro soxteyədə inkişof kardedə.Putin çe dıqlə kişfəri miyono Buşəhr AES sahədə həmkoətiş həm rizoyətətbəxşə şikilədə inkişof kardeyış bəyon kardə və əlovəş kardə:“Qırd texniki həmkoəti qrafikə sahədə bardey beydə və bo ın elektrik stansiyaro nuyə vəşemoni ovoştıney həm dəvom kardedə”.

Rusiya prezdent bo İron İslom Respublikə urani qəncin kardey huğuği Rusiya nəzəku əsos və ğəti beyış təkid karde və 2231 rəğəminə ğətnomə sahədə mızokirəon həm bə ğənoətbəxşə nəticəon noyil bey umuş karde.