İmom Xameneyi:seonist rejim dınyo həmməysə təcrid bıə və mənfurə rejime

İmom Xameneyi:seonist rejim dınyo həmməysə təcrid bıə və mənfurə rejime

İmom Xameneyi:seonist rejim dınyo həmməysə təcrid bıə və mənfurə rejime

İslomi İnğılobi Yolə Rəhbər seoonist rejimış çe dınyo həmməysə təcrid bıə və mənfurə rejimış zınə.

İşambə ruji de İroni prezdent iyən Vəziron Kabineti bıə didoədə İmom Xameneyi bə məlunə seonist rejimi kardə ziyodə rəğəmədə bıə cinoyəton və heyrətamizə fəlokəton işorə kardə holədə ki,əvon ımoni behəyoə formədə elon kardedən,təkidış karde və voteşone:Harçand ım cinoyəton de Amerkə dastəqi bə həyot dəvordıney beydə,əmmo de ın vəzyəti mıborizə bardey ro bastə bıəni.

Bə "Pars Tudey" doə məlumoti əsos,İslomi İnğılobi Yolə Rəhbəri əlovəş kardə:Etıroz kardə kişfəron,xususən həm İslomi məmləkəton bəpe ıştə de seonist rejimi bıə ticorət və hətto siyosi əloğəon təmomən bıbırnon və əy təcrid bıkon.

Ə həzrəti,seoonist rejimış çe dınyo həmməysə təcrid bıə və mənfurə rejimış hisob kardə və əlovəş kardə:Çəmə diplomatiya əsosə xəttonku qıləyni həm hukuməton de ın cinoyətkorə rejimi ıştə ticorət və siyosi rabitəon bırniye təşviq kardey bıənine.

İslomi İnğılobi Yolə Rəhbər bın vindemonədə çe İroni hukuməti aktivə məcmuə iyən kompleksış,çəy prezdent,məsul şəxson,mudiron və fəolə həmkoon,xususən həm 12 rujnə canqədə çe sıxani həyğiyə mənoədə fədokorəti nışon doə onemonon təğdir kardey kəno,bə prezdenti “motivasiya”, “ruhiyyə” və “məhsuldorə ko” barzə ğıymətış doe və əlovəşon kardə:Prezdenti bə çini bıə səfə potensiyalə ixtisodi-siyosi sahəonış bə əməl vardə ki,ın foydəninə nəticəon bəpe təğib kardey lozıme.

İmom Xameneyi həmçinin milli ğudrət və milli ləyoğəti komponent və mevzu zumand kardeyış çe hukuməton vəzifəş hisob kardə və ğeydışon kardə:Çın tərkib hissəon həmməysə muhimmə qıləyni,çe milləti ruf,motivasiya,ibemon və umuye ki,bəpe əv,sıxan və əmələdə icod kardey və zumand kardey bıbu və çəvon zəyif kardey vəy qətey lozıme.