İroni ozodə dəçıke komanda dınyodə ğəhrəmon bıə

İroni İslomiyə Respublikə ozodə dəçıke milli komanda mısobiğəonədə, vaxtiku bənav dınyo ğəhrəmonətiş bədast varde

İroni ozodə dəçke komanda dınyodə ğəhrəmon bıə

İroni İslomiyə Respublikə ozodə dəçıke milli komanda mısobiğəonədə, vaxtiku bənav dınyo ğəhrəmonətiş bədast varde.

İroni İslomiyə Respublikə ozodə dəçıke milli komanda dışanbə ruji i uj bənav bə dınyo ğəhrəmonəti çempiyonati oxo mandey, ın mısobiğəonədə ğəhrəmon be. ın qıləy holədəy ki, İroni milli komanda ijən tele medali kəsb kardey şansış heste.

İroni İslomiyə Respublikə ozodə dəçke milli komanda 2025 minə sori dınyo ğəhrəmonəti mısobiğəonədə Zaqreb Xorvatiyadə tosə ısət 1qılə tele medal, 1qılə nığə, və 3 qılə bırci soyb bıə və finalədə bə Əmir Əli Azərpira və Rəhman Əmuzad huzuri dığğət doey, İroni komanda Amerkəku bəpe bə çəy vaxtə nıbə zəmonədə bə ğəhrəmonəti rəse.

Dınyo mısobiğəonədə ın İroni ozodə dəçıke milli komanda 6 minə ğəhrəmonətiye. İron çimiku bənav 1961, 1965, 1998, 2002 və 2013 minə soronədə dınyo ğəhrəmonəti səkkudə mandə iyən İroni ozodə milli komanda 1971, 1973, 1995, 2006, 2011, 2015, 2022, 2023 soronədə dınyo dıminə vırə ğəhrəmonəti bədast varde və 14 kərə həm 3 minə vırədə ğərorış qəte.

İyən İroni prezdent Pezeşkiyan İroni dəçıke milli komanda ğəhrəmonəti dışanbə şəvi qıləy mesajədə təbrikış vote və votışe: ın ğəhrəmonəti ki, 12 sor bəpeştə bo 6 minə kərə torixədə de dınyo 1minə nomi bədastış vardə ijən İroni əzizə nomış bə dınyo varzışi fəxrinə ğulləon nışandışe və bə İroni yolə miləti dıli səbarzəti və şoətiş hədyə doe.