Pezeşkiyan:Dınyoədə unilaterlizmi devrə bə oxo rəsə

Pezeşkiyan:Dınyoədə unilaterlizmi iyən təktərəfinəti devrə bə oxo rəsə

Pezeşkiyan:Dınyoədə unilaterlizmi devrə bə oxo rəsə

İroni prezdenti votəşe:Bənə İron iyən Rusiya bıə mıstəğilə devləton miyono səbarzə həmkoəti model sobut bəkade ki,dınyoədə təktərəfinəti devrə bə oxo. İroni prezdent Məsud Pezeşkiyan çoşanbə ruji hanqomi zəmonədə Tehronədə de Rusiya enerqetika vəzir Serqey Tsivlev və əy muşayiət kardə numayəndə heyəti bıə didoədə əlovəş kardə:İron İslom Respublika çe dıqlə kişfəri miyono bıə roziyəti icro kardey ciddiyə şikilədə ıştə rujnomədəş ğərol doə və bo mıştərəkə həmkoətiro bo qırd lozımi platformaon hozzıye;Tehron-Moskva həmkoəti və dıtərəfinə roziyəti bə həyot dəvordıney royədə hiç qıləy maneyə mevcud ni.

İroni prezdent çe dıqlə kişfəri barzə vəzifəynə şəxson roziyəti bədiqə ekspertə vindemonon nəticəon vey rə qıləy zəmonədə bın sahədə bə həyot dəvordıney vocibəti təkid kardə holədə,umudəvo bıə ki,ım dıtərəfinə fəoliyyəton və diplomatikə numayəndə heyəton səfəon nəticəon bə dıqlə dust və mıttəfiğə məmləkət bıə İron iyən Rusiya miyono əloğəon həni həm hovuj bey və inkişofi səbəb bəbe.