Məsud Pezeşkiyan:İron həmişə torıxi tufonon vədə zumand mandə
İron islom Respublika prezdent İ bə milləton təşkilati umumiyə assambleyaədə votışe: İron dınyoədə həmməysə ğədimiyə dəvomış bıə mədəniyyət, həmmişə tarixı tofanon vədə zumand mandəy.
İron islom Respublika prezdent İ bə milləton təşkilati umumiyə assambleyaədə votışe: İron dınyoədə həmməysə ğədimiyə dəvomış bıə mədəniyyət, həmmişə tarixı tofanon vədə zumand mandəy.
Bə pars todey xəbəron əsos,İron İslom Respublika prezdent Məsud Pezeşkiyan zinə İ bə milləton təşkilati umumiyə assambleyaədə əlovəş karde ironi millət de zumand və əzəmətinə ruh və əbədiyə irodə çandə kərə sobutış kardə ki hucum əkon vədə səcdə əjən ni və ımruj həm təcavuzkaron vədə bəştə imonı ğıvvə iyən milliyə vəhdəti peşt pur beədə səbarz mandəy.
Məsud Pezeşkiyan bə yodış dəğande 12 rujə mığəddəsə mudafiədə ironi vətən dust və ğəhrəmanə millət, təcavuzkarə təkəbburinə kəson xiyolinə hisob-kitobonışon botil karde.
İroni deşmenon nıpiye-nıpiye bə milliyə mığəddəsə vəhdəti zumandəti bois bin.
İroni millət həmməysə şiddətin, dıroz və qonə ixtisadiyə sanksiyaon, pisixi və mediya canqon kənoədə iyən mıtəmadiyə cəhdon təfriğə icod kardeyu, dərhal bə çəvon sərzəmini tərəf 1 minnə qullə ğande bəpeştə , vahidə holətədə ıştə ğəhrəmanə silohinə ğıvvon tərəfdor bin və ımruj həm ıştə şəhidon xuni qiromi qətedən.
İron İslom Respublika prezdenti əlovəş karde ımruj 2 sor qenosid iyən cəmiyə holətədə vəşiyanəti doe və apartaydı dəvom, işğal bə sərzəminonədə və bə hamsuyəon təcavuz kardeədə yolə israilı kamedi və xıyolinə plan çı rejimi barzə səviyədə bıə ğıvvon tərəfo bəyon bedə.
Im plan məntəğə xəyli sərzəminonku iborəte.
Im plan sionist rejimi həğiğiyə hədəfon və niyyəton nışon dodə ki dəvardə nezə rujonədə çəvon 1 minnə vəzir həm əvış təsdiğ kardə.
Dınyoədə heç kəs çı rejimi təcavuzkarə niyyətonku əmonədə ni.
Pezeşkiyan əlovəş karde dəvardə haftə Avropa 3 qılə məmləkət vaxti karde nıznəşone dıştə 10 sorə bəd əhdion və çəy bəpeştə hərbiyə təcavuziku himoyə kardeədə səbarzə ironi məğlub karde de Amerkə əmri de təziğ, ğoldorəti iyən oşkoə su istifodə cəhdışon kardə əmniyyət şura bə ironi zid darıştə bə ğətnoməon oqırdınon.
Im roədə mısbətə niyyətonışon bə kəno noə, ğanonışon bə kəno noə, atom sazışiku Amerkə xaric be vədə iyən avropavıjon bəd əhdi və mıtləğə ocizəti vədə ironi tərəfo ğanoni və cubran kardəninə rəftoron ğanonon darıteşon nışod do və pesoxtə bə qəponədə ıştənışon sazışi çokə tərəf təğdim karde və ironi sədoğətinə cəhdonışon vəs nıznə və ımon həmmə qılə ə atom sazışi nabod kardeyu be ki ıştən əy çan cəhətinə yolə diplamatikə nəticə zındə bin.
Im ğeyre ğanuniyə hərəkəton ki əmniyyət şura bəzi uzvon mıxolifət kardeədə dim bə dim be , beynəlxalğə səviyədə ğanuniku bə kəno be və beynəlxalğə ictimaiyəti roziyətiədə həm dim bə dim əbı ni.
İron İslom Respublika prezdent dəvomədə əlovəş karde İron sulh və oromətiku roziye əmmo bovəmon heste ki məntəğə və dınyo tale bəpe bə həmkoəti və mıştərəkə etımod və inkişofi əsosi təşkil bıbo.
İjən ım icmaədə elon kardedəm ki iron heç vaxti bomba soxte dumoədə bə ni və ısət həm ni.
əmə atom siloh domoədə nimon və ım qıləy etığodiyə bovə və rəhbəri fitvay və nəticədə heç qılə holətədə cəmi ğır əkə silohon dumoədə bıə nimon və çimi bəpeştə həm nimon.
