İron:Dınyo bəpe çe israyili vəhşiyə ğanuni darıştey ko oqəto

İroni Xarici Kon Vəzirəti sıxanəvoti votəşe:Dınyo bəpe çe israyili vəhşiyə ğanuni darıştey ko oqəto və canqi cinoyətkoron və tuməbıri kardə kəson becəzo mandey bə oxo rosnənine.

İroni Xarici Kon Vəzirəti sıxanəvot İsmoyl Bəğayi Hamaneh ıştə “X” sosyal şəbəkədə nıvıştəşe:Hodisəku i manq bədiqə Amerkə medya çe həmmə kəson zınə çiş təsdığ kardə:“Tunisi sahilonədə bə Ğəzzə humanitarə imdodon bardə ğayığon bepilotə təyyorəon hucum,de Netanyahu əmri bə həyot dəvordıney bıə. İsmoyl Bəğayi Hamaneh əlovəş kardə:Im,çe israyili rejimi bə kişfəron milli suverenəti,bə beynəlxalğə huğuği,bə insoni həyoti və bə ləyoğəti tam məhəl nınoey nevbəti subute.İroni diplomatikə xıdməti sıxanəvoti bəyonış kardə:Dınyo bəpe ın vəhşiyə ğanuni darıştey ko oqəto,hərbi cinoyətkoron və qenosidi amilon becəzo mandey bə oxo rosnənine və bo ın cinoyəton bəhonə vardə kəson yəxə qətənine.