İMT iyən İroni miyono praktiki və texnoloji həmkoəti zəruriyyət

İroni xarici koon vəziri bə İMT iyən İroni miyono praktiki və texnoloji həmkoəti zəruriyyəti təkidış kardə

İron İslom Respublikə xarici koon vəziri votəşe:İron de ğeyri-ğanuni itərəfinə sanksiyaonku bə əml omə problemon dimbədim omə və İMT de elmi-texniki həmkoəti və moliyyə resurson vositə bə Tehroni problemon ehdəku omeyro bəpe koməq bıko.

Seyd Əbbos Ərağçi de Umumdınyo Jimoni Vırə Ruji munosibəti ıştə vığandə mesajədə bənə iğlimi əvəz beyon,biomıxtəlifəti mıhofizə zəruriyyət və təbiyi fəlokəton bıə problemon aşmardə holədə votəşe:İron həm bənə diqər kişfəron çın problemon miyoniku bardero bə həmkoəti və qlobal noiliyyətonku istifodə ehtiyociş heste.

İroni xarici koon vəziri təkidış kardə:İron ğeyri-ğanuni iyən itərəfinə sanksiyaon jiyədə beyə holədə,bo şəhron inkişofiro beynəlxalğə təcrubəonku istifodə və co kişfəron və İMT aqentətiyon,ə cumlə həm de İMT İnsonə Məskunbey Proqrami həmkoəti təşviğiro xususi dığğət rosneydə və İMT-ku bın mevzuədə qəm şodey çəş kardey beydə.