İroni hukuməti sıxanəvot:Ğəzzədə cinoyət kardə kəson muhakimə bıənine

İron İslom Respublikə hukuməti sıxanəvot Ğəzzədə bə otəşvəsi roziyəti dastək doə holədə təkidış kardə:Ğəzzədə israyili rejimi cinoyəton oqətey çı roy oxo ni və ım cinoyəton kardə kəson və bımi əmr doə kəson beynəlxalğə məhkəməonədə muhakimə bıənine.

Fatmə Muhacironi çe İroni Ğəzzədə bə tuməbıri dərhol oqətey səbəb bıə har qıləy təşəbbıs və hərəkəti tam dastəq doey təkid kardə holədə votəşe:İron İslom Respublikə çe işğalçiyə ğıvvon xaric kardey,humanitarə imdodon daxil bey,fələstınıjə məhbuson ozod kardey və çəvon fundamental huğuğon real kardey əhotə kardə planon himoyə bəkarde.

İroni devləti sıxanəvoti təkidış kardə ki,İslomi Respublikə bə Fələstini xalği dastəq“fəğət qıləy siyosi mevğe ni, bəlkəm çe “milləton ıştə mığəddəroti təyin kardey həxon”nığılə bovə və bə zulmi iyən işğali ələyh mığovimətiku bənav omeydə”.

Muhacironi çı Fələstini mərdumi mığovimətış ğanuni və ıştə həxon bərpo kardey roy co nıbə hissəş hisob kardə və beynəlxalğə iştimoiyyəti Ğəzzədə bə hərbi cinoyəton və qenosidi xoto ıştə huğuği və humanitarə məsuliyyəton bəştə ehdə peqətey və çın cinoyəton kardə kəson muhakimə bey istiğomətədə ciddiyə qəmon peqəteyış piyə.